Бібліятэка – дом, дзе жывуць кнігі

У Нацыянальнай бібліятэцы Беларусі стартуе новы сезон “Клуба кніжных прафесараў”. Запрашаем дзетак і іх бацькоў запісацца на першы курс музейных заняткаў па вывучэнні кніжнай культуры.

Серыя “Клуб кніжных прафесараў” – гэта курс штомесячных заняткаў у музеі кнігі. Праграма праекта прадстаўляе цэласную сістэму, арыентаваную на мэтанакіраванае далучэнне дзяцей да бібліятэкі і кніжнай культуры.

31 кастрычніка адбудуцца першыя заняткі на тэму “Бібліятэка – дом, дзе жывуць кнігі”. Дзеці пазнаёмяцца з будынкам самай вялікай бібліятэчнай установы краіны і даведаюцца, як арганізавана ў ёй кніжнае жыццё.

Заняткі разлічаны на дзяцей 5–12 гадоў і праводзяцца ў даступнай і займальнай форме. Пазнанне кніжнай культуры адбываецца з дапамогай дыялогу, гульняў і творчасці.

Тэлефоны для запісу і даведак: (8 044) 579 39 07, (8 017) 293 27 82.