ГалоўнаяМерапрыемствыШрыфт як паведамленне, успаміны, інфармацыя і твор мастацтва
Серыя вебінараў “Краязнаўчыя інфармацыйныя рэсурсы публічных бібліятэк”
ЮНЕСКА: з мінулага ў будучыню

Шрыфт як паведамленне, успаміны, інфармацыя і твор мастацтва

Шрыфт як паведамленне, успаміны, інфармацыя і твор мастацтва
Іншыя мерапрыемствы
29 кастрычніка – 20 сакавіка
Дата правядзення
10.00–21.00
Час правядзення
галерэя "Лабірынт" (3-ці паверх)
Месца правядзення

29 кастрычніка ў бібліятэцы пачне работу выстаўка “Шрыфт: litera in primo”, прымеркаваная да 75-гадовага юбілею Беларускай дзяржаўнай акадэміі мастацтваў.

У экспазіцыі прадстаўлены работы студэнтаў БДАМ і яе выкладчыкаў: дэкана факультэта дызайну і дэкаратыўна-прыкладнога мастацтва Усевалада Свентахоўскага і дацэнта кафедры графічнага дызайну Генадзя Мацуры.

Выданні, якія натхнілі мастакоў на захапляльныя віражы ў напісаннях, захоўваюцца ў фондзе Нацыянальнай бібліятэкі. Падчас урачыстага адкрыцця наведвальнікі галерэі змогуць на свае вочы ўбачыць першасныя шрыфтавыя кампазіцыі.

Спалучэнне літар, перш за ўсё, прызвана даносіць інфармацыю. Сэнсавая, мастацкая, сімвалічная роля буквіцы (ініцыяла, першай літары главы) добра вядома даследчыкам і аматарам. Шрыфт таксама можа стаць паведамленнем, успамінам, інфармацыяй і, больш за тое, – творам мастацтва.

Самыя патрабавальныя госці будуць мець магчымасць захапіцца элегантна стрыманым мастацтвам і атрымаюць бязмежную эстэтычную асалоду ад наведвання выстаўкі “Шрыфт: litera in primo”.


Урачыстае адкрыццё выстаўкі “Шрыфт: litera in primo” пачнецца а 17-й гадзіне ў галерэі “Лабірынт” (3-ці паверх).

Час работы выстаўкі адпавядае рэжыму работы бібліятэкі.
На адкрыццё ўваход вольны, у іншы час – па чытацкім білеце або білеце сацыякультурнага цэнтра.

Наведаць выстаўку можна да 20 сакавіка 2021 г.
Дата яе заканчэння можа быць зменена.

Тэлефоны для даведак: (8 017) 266 37 37293 28 33.
E-mail: pr@nlb.by

Чытайце таксама, як прайшло адкрыццё выстаўкі “Шрыфт: litera in primo”.

Мерапрыемствы

Асветніца з роду Усяслава

16.07.2021

З 16 ліпеня па 30 верасня запрашаем наведаць выстаўку “Асветніца з роду Усяслава”, прымеркаваную да 920-годдзя з дня нараджэння беларускай асветніцы Еўфрасінні Полацкай і 860-годдзя стварэння крыжа святой Еўфрасінні.

Лёс наканаваны з нябёс

22.07.2021

З 22 ліпеня па 22 верасня ў зале нотных і аўдыявізуальных дакументаў (пам. 305) праходзіць выстава “Лёс наканаваны з нябёс”, прысвечаная 75-годдзю беларускага кампазітара і педагога Ганны Маратаўны Казловай.

Адкрывальнік і летапісец сівой даўніны

21.07.2021

Да 60-годдзя беларускага гісторыка і пісьменніка Вітаўта Чаропкі ў зале беларускай літаратуры (пам. 205) з 21 ліпеня па 31 жніўня праходзіць выстаўка “Адкрывальнік і летапісец сівой даўніны”.

Толькі на адзін тыдзень у Мінску адкрылася ўнікальная выстава “Ян Баршчэўскі, які любіў Бога, прыроду і людзей” (+відэа)

22.07.2021

22 ліпеня ў музеі кнігі Нацыянальнай бібліятэкі Беларусі адкрылася выстава “Ян Баршчэўскі, які любіў Бога, прыроду і людзей”. На ёй упершыню будуць разам прадстаўлены аўтэнтычныя сведчанні пра знакамітага пісьменніка, аднаго з пачынальнікаў новай беларускай літаратуры.



Бібліятэкарам