Дата правядзення
Час правядзення
Месца правядзення
З 6 лістапада на 3-м паверсе кальцавога калідора працуе выстава агітплакатаў з фондаў Нацыянальнай бібліятэкі Беларусі “Не п’янству на вытворчасці”, накіраваная на прафілактыку п’янства на працоўным месцы.
Пераадоленне такіх згубных з’яў, як п’янства і алкагалізм, – адна з глабальных задач, якія стаяць перад чалавецтвам.
Па даных Сусветнай арганізацыі аховы здароўя, злоўжыванне алкаголем знаходзіцца на трэцім месцы сярод прычын смяротнасці пасля сардэчна-сасудзістых і анкалагічных захворванняў, пітушчы чалавек жыве ў сярэднім на 15 гадоў менш, чым непітушчы і малапітушчы.
У экспазіцыі прадстаўлены агітплакаты, створаныя савецкімі мастакамі ў 60–70-я гг. мінулага стагоддзя. Плакаты папярэджваюць грамадскасць аб небяспецы празмернага ўжывання алкаголю. Маляўнічая графіка і яркія метафары, якія выкарыстоўваліся ў іх стварэнні, заклікаюць людзей да цвярозага ладу жыцця.
Выстава будзе доўжыцца да 15 лістапада 2020 г.
Дата яе заканчэння можа быць зменена.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Матэрыял пададзены аддзелам галерэйна-выставачнай дзейнасці.