Дата правядзення
Час правядзення
Месца правядзення
28 лістапада дзіцячы пакой запрашае дзяцей 7–10 гадоў на заняткі “Мультчытайка” паводле казкі Л. Кэрала “Аліса ў краіне цудаў”.
На мерапрыемстве дзеці разам з юнай летуценніцай Алісай адправяцца ў казачную краіну, дзе адбываюцца загадкавыя прыгоды. Вандруючы па старонках казкі, юныя ўдзельнікі сустрэнуць на сваім шляху чароўнага Труса, Чэшырскага ката з пастаяннай усмешкай, птушку Дадо і многіх іншых дзіўных персанажаў.
Дзеці змогуць па-сапраўднаму акунуцца ў атмасферу захапляльнай гісторыі пра дзяўчынку Алісу, паглядзеўшы аднайменны мультфільм. Удзел у гульнях “Працягні выраз” і “Гульня слоў” пакажа, наколькі добра гульцы запомнілі сюжэт казкі.
Час правядзення мерапрыемства: 14.30–16.00.
Наведванне заняткаў “Мультчытайка” бясплатнае.
Папярэдні запіс па тэлефоне: (8 017) 293 25 34.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.