ГалоўнаяМерапрыемствыМіграцыя ў эпоху глабальных змен
Паштоўкі з малюнкамі Уладзіміра Караткевіча
Размова з адвакатам аб прававых гарантыях інвалідам і льготах сем’ям, якія выхоўваюць дзяцей-інвалідаў

Міграцыя ў эпоху глабальных змен

Міграцыя ў эпоху глабальных змен
Іншыя мерапрыемствы
15 снежня – 17 студзеня
Дата правядзення
10.00–21.00
Час правядзення
пам. 207
Месца правядзення

З 15 снежня па 17 студзеня ў аддзеле абслугоўвання афіцыйнымі дакументамі (пам. 207) адкрыта тэматычная кніжная выстава “Міграцыя ў эпоху глабальных змен”, прысвечаная Міжнароднаму дню мігранта.

Гэты дзень быў абвешчаны на 55-й сесіі Генеральнай асамблеі ААН 4 снежня 2000 года (рэзалюцыя 55/93) і штогод адзначаецца 18 снежня. Дата абрана не выпадкова – у гэты дзень у 1990 годзе Асамблея прыняла Міжнародную канвенцыю аб абароне праў усіх працоўных мігрантаў і членаў іх сем’яў (рэзалюцыя 45/158). Гэтая канвенцыя стала ўсёабдымнай праграмай абароны праў мігрантаў (па стане на чэрвень 2020 года яе ратыфікавала 55 дзяржаў).

Спрадвеку людзі перамяшчаюцца з месца на месца. Адны пераязджаюць у пошуках лепшай працы, адукацыі, эканамічных выгод або для ўз’яднання з сям’ёй, другія вымушаны бегчы ад канфліктаў, тэрарызму або парушэнняў праў чалавека. Павялічваецца колькасць тых, хто здымаецца з месцаў у выніку наступстваў змены клімату, стыхійных бедстваў або іншых фактараў экалагічнага характару.

У сучасным свеце назіраецца перамяшчэнне людзей у беспрэцэдэнтных маштабах. У 2000 годзе ў свеце колькасць мігрантаў складала каля 173 мільёнаў чалавек, а ў 2019 ужо дасягнула 272 мільёнаў. Паводле ацэнак экспертаў, кожны трыццаць пяты жыхар планеты – мігрант, які жыве і працуе за межамі сваёй краіны.

Міграцыя носіць глабальны характар, што патрабуе прымянення глабальных падыходаў і прыняцця глабальных рашэнняў. Арганізацыя Аб’яднаных Нацый адыгрывае актыўную ролю ў гэтай галіне, спрыяючы пабудове дыялогу і ўзаемадзеяння паміж краінамі і рэгіёнамі, а таксама заахвочваючы абмен вопытам і пашырэнне магчымасцей у сферы супрацоўніцтва.

У верасні 2006 года ААН упершыню правяла мерапрыемства, якое атрымала назву Дыялог на высокім узроўні па пытанні аб міжнароднай міграцыі і развіцці. Гэта мерапрыемства стала вызначальным момантам у справе разгляду дзяржавамі – членамі ААН шляхоў і сродкаў максімальна эфектыўнага выкарыстання пераваг міжнароднай міграцыі для развіцця і звядзення да мінімуму яе негатыўных наступстваў. У кастрычніку 2013 года адбыўся другі Дыялог на высокім узроўні па пытанні аб міжнароднай міграцыі і развіцці. Па яго выніках дзяржавы-члены прынялі дэкларацыю, якая асуджае акты, праявы і прыкметы расізму, расавай дыскрымінацыі, ксенафобіі і звязанай з імі нецярпімасці ў дачыненні да мігрантаў.

19 верасня 2016 года Генеральная асамблея ААН правяла пасяджэнне высокага ўзроўню, на якім быў прадстаўлены даклад Генеральнага сакратара ААН “Ва ўмовах бяспекі і годнасці: рашэнне праблемы перасоўванняў вялікіх груп бежанцаў і мігрантаў”. Кіраўнікі дзяржаў і высокія прадстаўнікі аднагалосна ўхвалілі найважнейшы выніковы дакумент – Нью-Ёркскую дэкларацыю аб бежанцах і мігрантах, у якой выяўляецца палітычная воля сусветных лідараў, накіраваная на выратаванне жыццяў, абарону правоў чалавека і справядлівае размеркаванне адказнасці на глабальным узроўні.

10 снежня 2018 года на Міжурадавай канферэнцыі ў Маракешы (Марока) прадстаўнікі 164 дзяржаў ухвалілі Глабальны дагавор аб бяспечнай, упарадкаванай і легальнай міграцыі, прыняцце якога прадаставіла ўнікальную магчымасць палепшыць кіраванне міграцыйнымі працэсамі, адказаць на выклікі сучаснай міграцыі і ўмацаваць уклад мігрантаў ва ўстойлівае развіццё.

У Парадку дня ў галіне ўстойлівага развіцця на перыяд да 2030 года змяшчаецца прызнанне пазітыўнага ўкладу міграцыйных працэсаў ва ўстойлівае развіццё. Адзінаццаць з 17 мэт у галіне ўстойлівага развіцця змяшчаюць задачы і індыкатары, якія прымянімыя да міграцыі і мабільнасці. Галоўны прынцып Парадку “ніхто не будзе забыты” тычыцца ўсіх людзей, уключаючы мігрантаў.

Прапанаваная чытачам выстаўка налічвае каля 100 дакументаў. Вялікую частку экспазіцыі складаюць дакументы міжнародных арганізацый (ААН, МАМ, АБСЕ, МАП, Еўрапейскага саюза). Гэта кнігі, перыядычныя выданні, мімеаграфіраваныя матэрыялы ААН на рускай, нямецкай і англійскай мовах.

Экспазіцыя ўключае наступныя тэматычныя раздзелы:

  • Міжнародная міграцыя і міграцыйнае права
  • Аб’ёмы і дынаміка міжнароднай міграцыі
  • Міграцыйная палітыка і супрацоўніцтва ў сферы міграцыі
  • Міжнародная працоўная міграцыя
  • Міграцыйныя працэсы ў Рэспубліцы Беларусь

Выстаўка будзе карысная спецыялістам у галіне міжнародных адносін, юрыстам, палітолагам, навуковым супрацоўнікам, выкладчыкам, студэнтам вышэйшых навучальных устаноў, а таксама ўсім, хто цікавіцца сучаснымі тэорыямі і праблемамі міграцыі.

Карысныя спасылкі

Глабальны форум по міграцыі і развіцці


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 34.

Матэрыял пададзены аддзелам абслугоўвання афіцыйнымі дакументамі.

Мерапрыемствы

Падарожжа ў краіну кошак

25.02.2021

З 25 лютага па 22 сакавіка ў зале дакументаў па мастацтве (пам. 306) праходзіць кніжна-ілюстрацыйная выстава “Падарожжа ў краіну кошак”.

Зямны вандроўнік

24.02.2021

Да 90-годдзя з дня нараджэння беларускага празаіка, паэта, драматурга, публіцыста, перакладчыка Паўла Андрэевіча Місько ў зале беларускай літаратуры (пам. 205) з 24 лютага па 30 сакавіка праходзіць выстаўка “Зямны вандроўнік”.

Родная мова – духоўная спадчына народа

19.02.2021

З 19 лютага па 17 сакавіка ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Родная мова – духоўная спадчына народа”, прысвечаная Міжнароднаму дню роднай мовы.

Музычнай страфы паэтка

17.02.2021

З 17 лютага па 31 сакавіка ў зале нотных і аўдыявізуальных дакументаў (пам. 305) праходзіць выстава “Музычнай страфы паэтка”, прысвечаная 70-годдзю беларускага кампазітара Галіны Канстанцінаўны Гарэлавай.

Сусветны акіян: вывучэнне, асваенне, ахова і абарона

16.02.2021

З 16 лютага па 15 сакавіка ў зале дакументаў міжнародных арганізацый (пам. 207g) адкрыта тэматычная выстава “Сусветны акіян: вывучэнне, асваенне, ахова і абарона”, прысвечаная Дзесяцігоддзю навукі аб акіяне ў інтарэсах устойлівага развіцця (2021–2030).



Бібліятэкарам
111