Дата правядзення
Час правядзення
22 снежня ў 11.00 адбудзецца анлайн-прэзентацыя рэсурсу “Рукапісы сучасных беларускіх аўтараў з фондаў Нацыянальнай бібліятэкі Беларусі”.
Новы анлайн-рэсурс Нацыянальнай бібліятэкі Беларусі змяшчае больш за 600 лічбавых копій дакументаў больш за 100 беларускіх паэтаў і кампазітараў. Гэта ноты розных па жанрах і тэматыцы музычных твораў, а таксама тэксты песень.
Сярод аўтараў, прадстаўленых у рэсурсе, як вядомыя кампазітары, якія набылі заслужаны аўтарытэт у краіне і за мяжой, так і зусім маладыя таленавітыя прадстаўнікі музычнага мастацтва.
На прэзентацыі будзе прадстаўлены жанравы і тэматычны рэпертуар калекцыі, функцыянальныя магчымасці рэсурсу, асаблівасці пошуку і працы з дакументамі. Прэзентацыя адбудзецца ў анлайн-фармаце. Для ўдзелу неабходна зарэгістравацца па адрасе.
Рэсурс будзе карысны гісторыкам, музыказнаўцам, выкладчыкам, студэнтам, навучэнцам адукацыйных устаноў і ўсім, хто цікавіцца беларускай музыкай на сучасным этапе.
