Запрашаем на творчыя заняткі “Пінгвіняня”

30 студзеня дзіцячы пакой запрашае дзяцей 5–10 гадоў на творчыя заняткі “Пінгвіняня”.

Даведацца шмат цікавага аб гэтых дзіўных птушках і вылепіць са звычайнага кавалачка пластыліну пацешнае малое пінгвіняня, упрыгожыўшы яго шапачкай і шалікам з мяккага фетру, – усё гэта, несумненна, стане займальным і карысным заняткам.

Дзеці авалодаюць асноўнымі прыёмамі лепкі з пластыліну – дзяленнем на часткі, наданнем формы, падборам колераў і злучэннем дэталяў. Яны навучацца тварыць і фантазіраваць, пазнаваць свет і раскрываць свае здольнасці.

Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.