Музейныя заняткі “Бамбукавыя кнігі”

Запрашаем дзяцей 5–12 гадоў далучацца да “Клуба кніжных прафесараў” і прыняць удзел у музейных занятках “Бамбукавыя кнігі”.

У музеі кнігі дзеці пазнаёмяцца з асноўнымі формамі кнігі, а таксама з матэрыяламі, якія выкарыстоўваліся для пісьма.

Наведвальнікі даведаюцца, што кнігі з бамбуку з’яўляюцца адной з найважнейшых вех кітайскага пісьменства і культуры ў цэлым. Кітайскія кнігі рабіліся на бамбукавых планках, якія звязваліся паміж сабой вяроўкай. Адна драўляная планка лічылася старонкай кнігі. Для стварэння кнігі-скрутка часам патрабавалася да некалькіх тысяч бамбукавых пласцін.

Юныя ўдзельнікі самі створаць “бамбукавыя кнігі”, выкарыстоўваючы палачкі для марожанага і ніткі.

Тэлефоны для запісу і даведак: (8 044) 579 39 07, (8 017) 293 27 82.