ГалоўнаяМерапрыемствыБляск убораў і атмасфера балю... у бібліятэцы
Праект-віншаванне да Дня жанчын
Тут увасабляюцца ідэі: у дапамогу прафесійнаму чытанню педагога

Бляск убораў і атмасфера балю... у бібліятэцы

Бляск убораў і атмасфера балю... у бібліятэцы
Іншыя мерапрыемствы
5 сакавіка – 31 снежня
Дата правядзення
10.00–20.00
Час правядзення
пам. 104
Месца правядзення

5 сакавіка ў выставачным комплексе бібліятэкі (пам. 104) стартаваў унікальны праект “Бляск убораў і таямніцы флірту”. Экспанаты прадстаўлены з прыватнай калекцыі Ігара Сурмачэўскага.

Экспазіцыя ўключае больш за 300 прадметаў і артэфактаў мінулых стагоддзяў, якія могуць даць фору лепшым музеям свету: бальная сукенка, выкананая знакамітым куцюр’е баронам Крыстафам фон Дрэколам для Марыі Валерыі Габсбург; муфта з гарнастая, аздобленая шоўкам; лёгкая сукенка (teadress) “Анютины глазки” для будуара і ранішняга сняданку; сукенка з пурпуровага брокату з кветкавым арнаментам “брашэ”, выкананая парыжскай мадысткай (“Mme Chaux. 70 Rue Truffaut, Paris”).

Назвы многіх прадстаўленых у экспазіцыі мужчынскіх і жаночых артэфактаў XVIII–XIX стагоддзяў зусім нязвыклыя для нашага сучаснага слыху: карне дэ баль, партрэзор, паж, billets doux, фіжма, тусі-мусі, несэсэр, табакерка, аграф і г.д.

Акунуцца ў атмасферу мінулых стагоддзяў і адчуць дух часу, які панаваў падчас балю, прайсці ўвесь шлях ад выбару і падрыхтоўкі сукенкі, удасканалення па ў танцы да таямнічай гульні флірту і, нарэшце, падвядзення вынікаў “перамог Амура” можна будзе да канца года.


Час работы выстаўкі адпавядае рэжыму работы бібліятэкі.

Кошт наведвання экспазіцыі:

  • для дарослых – 10 руб.
  • для навучэнцаў сярэдніх, сярэдніх спецыяльных і вышэйшых навучальных устаноў – 5 руб.

    сямейны білет:

  • група з двух дарослых і аднаго дзіцяці да 16 гадоў – 21 руб.
  • група з двух дарослых і двух дзяцей да 16 гадоў – 24 руб.
  • шматдзетная сям'я (пры прад'яўленні адпаведнага дакумента) – 24 руб.
  • Бясплатны ўваход на выстаўку з правам ажыццяўлення лічбавай, фота- і відэаздымкі дазволены дзецям да 8 гадоў, выхаванцам дзіцячых дамоў, людзям з абмежаванымі магчымасцямі (пры прад’яўленні адпаведнага дакумента), а таксама суправаджальнікам групы школьнікаў, выхаванцаў устаноў адукацыі (1 суправаджальнік на 10 дзяцей).

    Тэлефон для даведак: (8 017) 368 37 37.

    Матэрыял пададзены аддзелам сувязей з грамадскасцю.

    Мерапрыемствы

    Асветніца з роду Усяслава

    16.07.2021

    З 16 ліпеня па 31 жніўня запрашаем наведаць выстаўку “Асветніца з роду Усяслава”, прымеркаваную да 920-годдзя з дня нараджэння беларускай асветніцы Еўфрасінні Полацкай і 860-годдзя стварэння крыжа святой Еўфрасінні.

    Лёс наканаваны з нябёс

    22.07.2021

    З 22 ліпеня па 22 верасня ў зале нотных і аўдыявізуальных дакументаў (пам. 305) праходзіць выстава “Лёс наканаваны з нябёс”, прысвечаная 75-годдзю беларускага кампазітара і педагога Ганны Маратаўны Казловай.

    Адкрывальнік і летапісец сівой даўніны

    21.07.2021

    Да 60-годдзя беларускага гісторыка і пісьменніка Вітаўта Чаропкі ў зале беларускай літаратуры (пам. 205) з 21 ліпеня па 31 жніўня праходзіць выстаўка “Адкрывальнік і летапісец сівой даўніны”.

    Толькі на адзін тыдзень у Мінску адкрылася ўнікальная выстава “Ян Баршчэўскі, які любіў Бога, прыроду і людзей” (+відэа)

    22.07.2021

    22 ліпеня ў музеі кнігі Нацыянальнай бібліятэкі Беларусі адкрылася выстава “Ян Баршчэўскі, які любіў Бога, прыроду і людзей”. На ёй упершыню будуць разам прадстаўлены аўтэнтычныя сведчанні пра знакамітага пісьменніка, аднаго з пачынальнікаў новай беларускай літаратуры.

    Памяць дарог

    16.07.2021

    У зале беларускай літаратуры (пам. 205) з 16 ліпеня па 19 верасня праходзіць юбілейная выстаўка “Памяць дарог”, прымеркаваная да 110-годдзя з дня нараджэння паэта і перакладчыка Анатоля Астрэйкі (1911–1978).



    Бібліятэкарам