Запрашаем на вечар памяці мастака Мікалая Несцярэўскага

8 красавіка ў бібліятэцы адбудзецца вечар памяці вядомага беларускага мастака-кераміста, скульптара, жывапісца Мікалая Лаўрэнцьевіча Несцярэўскага.

У праграме вечара:

• сустрэча з сынам мастака Сяргеем Несцярэўскім, намеснікам старшыні па творчай рабоце Беларускага саюза мастакоў, мастаком-графікам Андрэем Басалыгай, былым дырэктарам Дзятлаўскага дзяржаўнага гісторыка-краязнаўчага музея Фёдарам Красюком;
• прэзентацыя каталога “Мікалай Лаўрэнцьевіч Несцярэўскі. Кераміка. Жывапіс. Скульптура. «Я яшчэ не усё зрабіў…»”. Выданне адлюстроўвае шматгранны талент мастака ў раздзелах “Эскізы”, “Бюсты”, “Скульптура”, “Жывапіс”, “Іконы”, “Помнікі”, “Вітражы” і інш., паказвае жыццёвы шлях дзеяча культуры, уключае яго асабістыя фотаздымкі з уласнага архіва і ўспаміны сваякоў;
• знаёмства з экспазіцыяй “Беларусь. Асобы”, прымеркаванай да Года народнага адзінства. Тут можна пабачыць цудоўныя работы Мікалая Лаўрэнцьевіча, майстра  вялікага  творчага дыяпазону: вобразы роднай краіны, яе прасторы і казачныя пейзажы, партрэты-барэльефы значных для беларускай культуры і гісторыі персаналій і г.д.

Арганізатары мерапрыемства – Нацыянальная бібліятэка Беларусі, Беларускі саюз мастакоў і Дзятлаўскі дзяржаўны гісторыка-краязнаўчы музей.

Вечар пачнецца а 16-й гадзіне ў галерэі “Лабірынт” (3-ці паверх).

На мерапрыемства ўваход вольны, у астатні час – па чытацкім білеце або білеце сацыякультурнага цэнтра.

Выстаўка будзе працаваць да 25 мая 2021 г.
Дата заканчэння працы экспазіцыі можа быць зменена.

Тэлефон для даведак: (8 017) 368 37 37.