Дата правядзення
Час правядзення
Месца правядзення
20 красавіка ў бібліятэцы адбудзецца прэзентацыя альбома “Напалеон Орда” (2020).
Напалеон Орда (1807–1883) – знакаміты мастак, кампазітар, піяніст, педагог і грамадскі дзеяч. Адзін з самых вядомых майстроў архітэктурнага пейзажу: сярод яго акварэляў і графічных прац больш за 200 адлюстроўваюць беларускія мясціны. Найбуйнейшая айчынная калекцыя літаграфій, якая захоўваецца ў Нацыянальнай бібліятэцы Беларусі, стала асновай для шэрагу запатрабаваных выданняў, прысвечаных асобе мастака.
Альбом “Напалеон Орда” – вынік супрацы Нацыянальнай бібліятэкі Беларусі і выдавецтва “Беларусь”. У выданні 2020 г. сабраны і прадстаўлены 190 гравюр з выявамі беларускіх архітэктурных помнікаў, палацаў і мястэчак ХІХ ст. Многія з іх публікуюцца ў альбоме ўпершыню.
У праграме мерапрыемства:
- сустрэча з удзельнікамі выдавецкага праекта і экспертамі;
- выступленне аўтара ўступнага артыкула і складальніка выдання – намесніка генеральнага дырэктара Нацыянальнай бібліятэкі Беларусі Аляксандра Сушы;
- выстаўка-прагляд выданняў, прысвечаных Напалеону Ордзе як майстру архітэктурнага пейзажу. Дапаўняюць выстаўку арыгінальныя лінагравюры мастака з калекцыі Нацыянальнай бібліятэкі Беларусі;
- знаёмства з унікальным альбомам (выдавецкая навінка адзначана дыпломам пераможцы і знакам-сімвалам “Малы залаты фаліянт” у намінацыі “За ўклад у захаванне гісторыка-культурнай спадчыны” LX Нацыянальнага конкурсу “Мастацтва кнігі”).
Прэзентацыя пачнецца а 16-й гадзіне ў галерэі “Лабірынт” (3-ці паверх).
Уваход на мерапрыемства вольны.
Тэлефон для даведак: (8 017) 293 28 81.
Матэрыял пададзены аддзелам сувязей з грамадскасцю.