ГалоўнаяМерапрыемствыКанцэрт Андрэя Кіранава
Да Сусветнага дня кнігі і аўтарскага права і Міжнароднага дня інтэлектуальнай уласнасці
Прэзентацыя альбома “Напалеон Орда”: беларускія мясціны ў гравюрах мастака

Канцэрт Андрэя Кіранава

Канцэрт Андрэя Кіранава
Іншыя мерапрыемствы
24 красавіка
Дата правядзення
15.00–17.00
Час правядзення
галерэя "Лабірынт" (3-ці паверх)
Месца правядзення

У суботу, 24 красавіка, у галерэі “Лабірынт” выступіць з сольным канцэртам чытач Нацыянальнай бібліятэкі малады піяніст Андрэй Кіранаў, пастаянны ўдзельнік канцэртаў арт-прасторы “Свет класічнай музыкі”.

“Грані сучаснасці” – так Андрэй назваў сваю праграму, паколькі практычна кожнае сачыненне, у ёй прадстаўленае, так ці інакш сучаснае. Піяніст таксама выступіць вядучым свайго канцэрта і сцісла раскажа пра кожную п’есу.

У праграме вы пачуеце найбольш даступную музыку маладых беларускіх аўтараў Вольгі Падгайскай, Канстанціна Яськова, прадстаўнікоў яшчэ больш маладога пакалення – Андрэя Кудраўцава і Канстанціна Арцёма (вядомага публіцы і як таленавіты піяніст), а таксама арыгінальную п’есу для адной правай рукі самога Андрэя Кіранава. Абавязкова абудзіць водгук авангарднае і разам з тым вельмі жыццёвае сачыненне “Інвенцыя sonore” беларускага музыказнаўцы і кампазітара Аляксандра Друкта, які заўчасна сышоў у 1990 годзе. Твораў замежных аўтараў у праграме ўсяго два: захапляльны Эцюд № 2 амерыканскага кінакампазітара і мінімаліста Філіпа Гласа і прыміраны арганны харал І.С. Баха ў транскрыпцыі савецкага піяніста і кампазітара Самуіла Фейнберга.

Асаблівае месца ў праграме займае маштабная і востра драматычная Партыта фа мінор з сямі частак рускага класіка XX стагоддзя Георгія Свірыдава, вобразны свет якой навеяны Вялікай Айчыннай вайной.


Пачатак канцэрта ў 15.00.

Уваход вольны (пры наяўнасці чытацкага білета або білета сацыякультурнага цэнтра).

Тэлефон для даведак: (8 017)293 27 52.

Мерапрыемствы

Фотападарожжа па Палессі

14.05.2021

19 мая а 17-й гадзіне ў галерэі “Панарама” (22-гі паверх) адбудзецца адкрыццё фотавыстаўкі “Птушкі Палесся”.

Чырвоная кніга

12.05.2021

13 мая ў музеі кнігі пачне працу выстава “Чырвоная кніга”. Галоўным экспанатам стане арт-кніга маладых беларускіх мастакоў Марыны Жвірбля і Фёдара Шурмялёва.

Размова з адвакатам аб праве на абарону ў адміністратыўным судаводстве

07.05.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Апублікавана праграма IX Навукова-практычнай канферэнцыі “Электронная культура”

04.05.2021

IX Навукова-практычная канферэнцыя “Электронная культура” прысвечана тэме “Рэальнасць і віртуальнасць ва ўмовах пандэміі”. Арганізатарамі мерапрыемства выступаюць Міністэрства культуры Рэспублікі Беларусь і Нацыянальная бібліятэка Беларусі.

Без тэрміну даўнасці

03.05.2021

З 3 па 28 мая запрашаем на выставу “Без тэрміну даўнасці” ў чытальнай зале аддзела міжбібліятэчнага абанемента і дастаўкі дакументаў (пам. 164).

Вэбінар “Методыка і тэхналогія каталагізацыі дакументаў у рэгіянальных зводных электронных каталогах”

09.04.2021

15 красавіка з 10.00 да 11.30 Нацыянальная бібліятэка Беларусі праводзіць вэбінар для бібліятэк, падключаных да рэгіянальных зводных электронных каталогаў нашай краіны.



Бібліятэкарам
111