Дата правядзення
Час правядзення
Месца правядзення
З 3 па 28 мая запрашаем на выставу “Без тэрміну даўнасці” ў чытальнай зале аддзела міжбібліятэчнага абанемента і дастаўкі дакументаў (пам. 164).
Дзень Перамогі, як спяваецца ў аднайменнай песні, – “это праздник со слезами на глазах”. 9 мая – дзень памяці загінулых, даніна павагі яшчэ жывым героям, радасць вызваленага народа. Рана, пакінутая Вялікай Айчыннай вайной, і сёння крывавіць, і гэта вечны напамін аб тым, якой цаной далася вялікая Перамога.
Захавальнікамі памяці пакаленняў выступаюць помнікі, музеі, мемарыяльныя комплексы і, вядома ж, кнігі. Пра вайну штогод ствараюцца навуковыя працы, літаратурныя і мастацкія творы, якія асвятляюць усё новыя і новыя старонкі гэтай грандыёзнай бітвы.
На выставе “Без тэрміну даўнасці” прадстаўлена літаратура, якая распавядае аб мужнасці, стойкасці і гераізме людзей у гады Вялікай Айчыннай вайны.
Час работы выстаўкі:
пн. – чц.: 10.00–19.00,
пт.: 10.00–18.00,
сб., ндз. – выхадны.
Уваход – па чытацкім білеце або білеце сацыякультурнага цэнтра бібліятэкі.
Прадстаўленыя ў экспазіцыі кнігі можна замовіць праз электронны каталог Нацыянальнай бібліятэкі Беларусі.
Тэлефон для даведак: (8 017) 293 27 10.
Матэрыял пададзены аддзелам міжбібліятэчнага абанемента і дастаўкі дакументаў.