ГалоўнаяМерапрыемствыЭкалогія: права на бяспечнае жыццё
Гісторыі пішуць экслібрысы
Запрашаем дзяцей на творчыя заняткі “Рамачка для фота”

Экалогія: права на бяспечнае жыццё

Экалогія: права на бяспечнае жыццё
Іншыя мерапрыемствы
17 мая – 25 ліпеня
Дата правядзення
10.00–20.00
Час правядзення
пам. 207b
Месца правядзення

З 17 мая па 25 ліпеня ў зале прававой інфармацыі (пам. 207b) адкрыта тэматычная выстава “Экалогія: права на бяспечнае жыццё”, прысвечаная Сусветнаму дню аховы навакольнага асяроддзя (5 чэрвеня).

Насельніцтва Зямлі, уздзейнічаючы на тэрыторыю свайго пражывання, не толькі спажывае яе прыродныя рэсурсы, але і істотна ўплывае на навакольнае асяроддзе, падвяргаючы яго незваротным зменам, якія пасля ўплываюць на самога чалавека. За гісторыю цывілізацыі было высечана 70 % лясоў, незваротна страчана звыш 200 відаў жывёл, у выніку нерацыянальнага вядзення сельскай гаспадаркі дэградзіравала каля 200 млн гектараў зямлі, на 1 млрд тон зменшыліся запасы кіслароду нашай планеты. Згодна з дакладам незалежнай міжнароднай арганізацыі Global Footprint Network, у 2014 г. чалавецтва дасягнула кропкі незвароту, што азначае “немагчымасць планеты аднавіць свае рэсурсы”. Вектар на пагаршэнне экалагічнай абстаноўкі ўстойлівы.

ecalohija-2.jpg

У нашай краіне Дзень аховы навакольнага асяроддзя адзначаецца 5 чэрвеня і супадае з датай святкавання Сусветнага дня навакольнага асяроддзя.

Нарматыўна-прававую аснову выкарыстання прыродных рэсурсаў складаюць крыніцы як экалагічнай, так і іншых галін права. Канстытуцыя Рэспублікі Беларусь устанавіла правы грамадзян на спрыяльнае навакольнае асяроддзе і іншыя значымыя для вызначэння эколага-прававога статусу чалавека правы грамадзян. Канцэпцыя нацыянальнай бяспекі Рэспублікі Беларусь разглядае экалагічную бяспеку як самастойны від нацыянальнай бяспекі краіны нароўні з палітычнай, эканамічнай, навукова-тэхналагічнай, сацыяльнай і інш. Сёння Беларусь заключыла каля 35 шматбаковых міжнародных экалагічных пагадненняў, удзельнічае ў стварэнні найважнейшых глабальных і рэгіянальных канвенцый і пратаколаў, а таксама шэрагу паправак і дапаўненняў да пагадненняў.

На сучасным этапе намаганні сусветнай супольнасці накіраваны на вырашэнне глабальных экалагічных праблем. Удасканальваецца экалагічнае заканадаўства, укараняюцца новыя меры па мінімізацыі адмоўных наступстваў забруджвання навакольнага асяроддзя і спусташэння прыродных рэсурсаў.

Экспазіцыя налічвае больш за 70 дакументаў: кніг, аўтарэфератаў дысертацый, электронных дыскаў, перыядычных выданняў на рускай і беларускай мовах.

Выстава будзе цікавай для навуковых работнікаў і практыкаў, выкладчыкаў, аспірантаў, магістрантаў, студэнтаў юрыдычных спецыяльнасцей, а таксама асоб, якія цікавяцца прававымі праблемамі аховы навакольнага асяроддзя і забеспячэння экалагічнай бяспекі.

ecalohija-3.jpg

Экспазіцыя складаецца з наступных раздзелаў:

  • Права чалавека на спрыяльнае навакольнае асяроддзе: міжнародныя і нацыянальныя механізмы абароны
  • Канстытуцыя Рэспублікі Беларусь як сацыяльны інстытут забеспячэння экалагічных праў грамадзян
  • Экалагічная бяспека – складнік нацыянальнай бяспекі дзяржавы
  • Прававая ахова зямель, нетраў, вод, атмасфернага паветра і лесу ад забруджвання ў Беларусі
  • Адказнасць за правапарушэнні ў галіне аховы навакольнага асяроддзя і прыродакарыстання
  • Суадносіны норм права ў прыродаахоўнай сферы ў Рэспубліцы Беларусь, сумежных дзяржаў і краін далёкага замежжа

Карысныя спасылкі:

Спіс літаратуры па тэме

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 28.

Матэрыял пададзены аддзелам абслугоўвання афіцыйнымі дакументамі.

Мерапрыемствы

Асветніца з роду Усяслава

16.07.2021

З 16 ліпеня па 30 верасня запрашаем наведаць выстаўку “Асветніца з роду Усяслава”, прымеркаваную да 920-годдзя з дня нараджэння беларускай асветніцы Еўфрасінні Полацкай і 860-годдзя стварэння крыжа святой Еўфрасінні.

Лёс наканаваны з нябёс

22.07.2021

З 22 ліпеня па 22 верасня ў зале нотных і аўдыявізуальных дакументаў (пам. 305) праходзіць выстава “Лёс наканаваны з нябёс”, прысвечаная 75-годдзю беларускага кампазітара і педагога Ганны Маратаўны Казловай.

Адкрывальнік і летапісец сівой даўніны

21.07.2021

Да 60-годдзя беларускага гісторыка і пісьменніка Вітаўта Чаропкі ў зале беларускай літаратуры (пам. 205) з 21 ліпеня па 31 жніўня праходзіць выстаўка “Адкрывальнік і летапісец сівой даўніны”.

Толькі на адзін тыдзень у Мінску адкрылася ўнікальная выстава “Ян Баршчэўскі, які любіў Бога, прыроду і людзей” (+відэа)

22.07.2021

22 ліпеня ў музеі кнігі Нацыянальнай бібліятэкі Беларусі адкрылася выстава “Ян Баршчэўскі, які любіў Бога, прыроду і людзей”. На ёй упершыню будуць разам прадстаўлены аўтэнтычныя сведчанні пра знакамітага пісьменніка, аднаго з пачынальнікаў новай беларускай літаратуры.



Бібліятэкарам