ГалоўнаяМерапрыемствы17 верасня 1939 года ў лёсе беларускага народа: да Дня народнага адзінства
Сугучча гукаў і фарбаў (+відэа)
"Вопыт прысутнасці" Марыны Бацюковай

17 верасня 1939 года ў лёсе беларускага народа: да Дня народнага адзінства

17 верасня 1939 года ў лёсе беларускага народа: да Дня народнага адзінства
Іншыя мерапрыемствы
20 жніўня – 20 верасня
Дата правядзення
10.00–21.00
Час правядзення
пам. 207b
Месца правядзення

З 20 жніўня па 20 верасня ў зале прававой інфармацыі (пам. 207b) адкрыта тэматычная выстава “17 верасня 1939 года ў лёсе беларускага народа”, прысвечаная Дню народнага адзінства.

17 верасня 1939 года адбылася падзея, якая з’яўляецца адной з самых знамянальных вех гісторыі Беларусі. Чырвоная армія ўступіла на тэрыторыю Заходняй Беларусі і Заходняй Украіны. Польскія войскі адступалі, практычна не аказваючы супраціву пераўзыходзячым сілам Чырвонай арміі. Ужо да пачатку кастрычніка былыя “крэсы ўсходнія” сталі савецкай тэрыторыяй.

Паход Чырвонай арміі ў Заходнюю Беларусь пры ўсёй неадназначнасці яго ацэнкі ў мінулым і сёння меў для беларускага народа вялікае значэнне, паколькі аб’яднанне ўсходніх і заходніх тэрыторый у адзінай дзяржаве стварала перадумовы для будаўніцтва новага жыцця.

14 лістапада 1939 года Вярхоўны Савет БССР прыняў Закон “Аб прыняцці Заходняй Беларусі ў склад Беларускай Савецкай Сацыялістычнай Рэспублікі”. Пасля ўз’яднання з БССР на тэрыторыі Заходняй Беларусі ўводзіўся новы адміністрацыйна-тэрытарыяльны падзел: утвораны вобласці, раёны, сельскія саветы. У выніку тэрыторыя БССР павялічылася да 225, 7 тыс. км, а насельніцтва – у 2 разы і склала 10 млн. 200 тыс. чалавек.

Ва ўмовах распачатай Другой сусветнай вайны насельніцтва гэтых тэрыторый на кароткі час апынулася пад абаронай савецкай дзяржавы. Пасля вызвалення заходніх абласцей БССР ад нямецка-фашысцкіх захопнікаў было працягнута фарміраванне савецкіх і партыйных органаў, пад кіраўніцтвам якіх пачалася праца па аднаўленні народнай гаспадаркі.

Сучасны стан беларускага грамадства патрабуе пастаяннага звароту да мінулага, асэнсавання найважнейшых этапаў развіцця дзяржаўнасці, асабліва ў пераломныя, вызначальныя перыяды айчыннай гісторыі. Вывучэнне дакументаў дазваляе не толькі ўзнавіць сапраўдную карціну мінулага, але і зразумець сэнс падзей, якія адбываюцца, іх узаемасувязь і ўзаемаабумоўленасць.

Экспазіцыя налічвае больш за 30 дакументаў: кнігі, аўтарэфераты дысертацый, перыядычныя выданні на рускай і беларускай мовах.

Выстава разлічана на шырокае кола навуковых працаўнікоў – юрыстаў, гісторыкаў, палітолагаў, а таксама выкладчыкаў, студэнтаў, краязнаўцаў і ўсіх, каго цікавіць гісторыя сваёй Айчыны.

Выстава ўключае наступныя тэматычныя раздзелы:

  • Аб’яднанне Заходняй Беларусі з БССР – этап на шляху рэалізацыі беларускай нацыянальнай ідэі
  • Значэнне акта ўз’яднання Заходняй Беларусі з БССР для развіцця беларускай дзяржаўнасці
  • Міжнародныя адносіны ў прызме падзей 17 верасня 1939 г.
  • 17 верасня ў гісторыі краіны: дакументы, матэрыялы

Спіс літаратуры

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 28.

Матэрыял пададзены аддзелам абслугоўвання афіцыйнымі дакументамі.

Мерапрыемствы

Бунтар, правакатар, геній

20.10.2021

З 20 кастрычніка па 30 лістапада ў зале дакументаў па мастацтве (пам. 306) праходзіць кніжна-ілюстрацыйная выстава “Бунтар, правакатар, геній”, прысвечаная 140-годдзю з дня нараджэння іспанскага мастака Пабла Пікаса (1881–1973).

Першы беларускі

20.10.2021

Да 100-годдзя з часу заснавання Беларускага дзяржаўнага ўніверсітэта на трэцім паверсе кальцавога калідора бібліятэкі арганізавана выстаўка “Першы беларускі”.

Мір, годнасць і роўнасць на здаровай планеце

14.10.2021

З 14 кастрычніка па 30 лістапада ў аддзеле абслугоўвання афіцыйнымі дакументамі (пам. 207) адкрыта тэматычная выстава “Мір, годнасць і роўнасць на здаровай планеце”, прысвечаная Дню Арганізацыі Аб’яднаных Нацый.

Размова з адвакатам аб парадку іпатэчнага крэдытавання пры набыцці (будаўніцтве) жылля

14.10.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Шчаслівы дар

13.10.2021

З 13 кастрычніка па 22 лістапада ў зале беларускай літаратуры (пам. 205) праходзіць юбілейная выстаўка “Шчаслівы дар”, прымеркаваная да 100-годдзя з дня нараджэння беларускага паэта, заслужанага работніка культуры Беларусі Івана Андрэевіча Муравейкі (1921–2021).

Семінар аб рэалізацыі палажэнняў Маракешскага дагавора

12.10.2021

22 кастрычніка ў межах VIII Міжнароднага кангрэса “Бібліятэка як феномен культуры” адбудзецца семінар “Рэалізацыя Рэспублікай Беларусь палажэнняў Маракешскага дагавора аб палягчэнні доступу сляпых і асоб з парушэннямі зроку ці іншымі абмежаванымі здольнасцямі ўспрымаць друкаваную інфармацыю да апублікаваных твораў”.

Пяшчотная, мілая, добрая

11.10.2021

З 11 кастрычніка ў кальцавым калідоры 2-га паверха арганізавана выстаўка “Пяшчотная, мілая, добрая”, прымеркаваная да Дня маці (14 кастрычніка).



Бібліятэкарам