Дата правядзення
Час правядзення
Месца правядзення
9 верасня ў 14.00 у зале адукацыйных тэхналогій (пам. 346) адбылося пасяджэнне экспертаў, прымеркаванае да 15-годдзя музея кнігі Нацыянальнай бібліятэкі Беларусі.
Музей кнігі – знакавая і яркая экспазіцыйная прастора Нацыянальнай бібліятэкі Беларусі. У экспазіцыі прадстаўлены рукапісы, старадрукі і рэдкія выданні, якія з’яўляюцца неад’емнай часткай нацыянальнай і сусветнай кніжнай спадчыны.
Афіцыйнае ўрачыстае адкрыццё музея кнігі адбылося 1 верасня 2006 г. За 15 гадоў у музеі былі рэалізаваны сотні цікавых выставачных праектаў. Калектывам была праведзена вялікая праца і назапашаны велізарны станоўчы досвед.
На пасяджэнні круглага стала “Музей кнігі. 15 гадоў” плануецца абмеркаванне ролі музея кнігі ў папулярызацыі беларускай кніжнай культуры, вызначэнне праблем і інавацыйных падыходаў, дыскусія аб перспектывах і кірунках далейшай дзейнасці.
У мерапрыемстве возьмуць удзел супрацоўнікі музеяў і бібліятэк, навуковых і адукацыйных устаноў краіны.
Матэрыял пададзены навукова-даследчым аддзелам кнігазнаўства.