ГалоўнаяМерапрыемствыСімвалы жыцця беларускага народа (+відэа)
Размова з адвакатам аб праве ў сферы медыцыны
Музейныя заняткі “Вандроўка з Францішкам”

Сімвалы жыцця беларускага народа (+відэа)

Сімвалы жыцця беларускага народа (+відэа)
Іншыя мерапрыемствы
14 верасня – 31 снежня
Дата правядзення
10.00–21.00
Час правядзення
атрыум (2-гі паверх)
Месца правядзення

14 верасня ў атрыуме Нацыянальнай бібліятэкі Беларусі (2-гі паверх) адкрыўся выставачны праект “Сімвалы жыцця”, прысвечаны Году народнага адзінства.

У нашай краіне на працягу стагоддзяў побач жывуць прадстаўнікі розных нацыянальнасцей, рэлігій і культур. Гэта разнастайнасць стала візітнай карткай Беларусі, яе ўнікальнай спадчынай і неацэнным дарам продкаў, якія неабходна зберагчы дзеля міру і згоды ў грамадстве, дабрабыту і росквіту будучых пакаленняў.

Мэта выставачнага праекта – захаванне ведаў аб нацыянальных традыцыях, папулярызацыя культурнага багацця, спадчыны і гістарычнай памяці беларускага народа. “Cімвалы жыцця” адлюстроўваюць народныя вытокі, сямейныя традыцыі, родавыя абрады і знакавыя падзеі ў жыцці насельніцтва краіны.

У экспазіцыі – аўтарскія работы майстрых-выцінаншцыц Наталлі Сухой, Вольгі Палуніцы і Лізаветы Чырвонцавай, графічныя работы іўеўскага мастака Івана Васюкевіча, вырабы з саломкі майстрыхі Ірыны Смірновай, лялькі-абярэгі майстрыхі Галіны Дуніч, традыцыйныя музычныя інструменты і лялькі з батлейкі (з калекцыі даследчыка і музыкі Івана Кірчука), а таксама гістарычныя выданні з фондаў НББ, архітэктурныя макеты, народныя строі, кераміка, ручнікі і іншыя прадметы дэкаратыўна-прыкладнога мастацтва.

Разнастайныя экспанаты прадастаўлены арганізатарамі выставачнага праекта: Нацыянальнай бібліятэкай Беларусі, Іўеўскім музеем нацыянальных культур, Іўеўскім цэнтрам культуры і вольнага часу, Тэрытарыяльным цэнтрам сацыяльнага абслугоўвання насельніцтва Іўеўскага раёна, Беларускім саюзам майстроў народнай творчасці, Цэнтрам даследаванняў беларускай культуры, мовы і літаратуры НАН Беларусі, унітарным прадпрыемствам “СКАРБНІЦА”.


На вернісаж уваход вольны, у астатні час – па чытацкім білеце або білеце сацыякультурнага цэнтра.

Праект будзе доўжыцца да 31 снежня 2021 г.
Дата заканчэння працы экспазіцыі можа быць зменена.

Тэлефон для даведак: (8 017) 368 37 37.
E-mail: pr@nlb.by

Мерапрыемствы

“…Каждому засобно нинешним и на потом будучим”: да 455-годдзя Статута ВКЛ 1566 г.

25.10.2021

З 25 кастрычніка па 10 студзеня ў зале прававой інфармацыі (пам. 207b) адкрыта тэматычная выстава “...Каждому засобно нинешним и на потом будучим”, прысвечаная 455-годдзю прыняцця Статута Вялікага Княства Літоўскага 1566 г.

Бунтар, правакатар, геній

20.10.2021

З 20 кастрычніка па 30 лістапада ў зале дакументаў па мастацтве (пам. 306) праходзіць кніжна-ілюстрацыйная выстава “Бунтар, правакатар, геній”, прысвечаная 140-годдзю з дня нараджэння іспанскага мастака Пабла Пікаса (1881–1973).

Першы беларускі

20.10.2021

Да 100-годдзя з часу заснавання Беларускага дзяржаўнага ўніверсітэта на трэцім паверсе кальцавога калідора бібліятэкі арганізавана выстаўка “Першы беларускі”.

Мір, годнасць і роўнасць на здаровай планеце

14.10.2021

З 14 кастрычніка па 30 лістапада ў аддзеле абслугоўвання афіцыйнымі дакументамі (пам. 207) адкрыта тэматычная выстава “Мір, годнасць і роўнасць на здаровай планеце”, прысвечаная Дню Арганізацыі Аб’яднаных Нацый.

Размова з адвакатам аб парадку іпатэчнага крэдытавання пры набыцці (будаўніцтве) жылля

14.10.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Шчаслівы дар

13.10.2021

З 13 кастрычніка па 22 лістапада ў зале беларускай літаратуры (пам. 205) праходзіць юбілейная выстаўка “Шчаслівы дар”, прымеркаваная да 100-годдзя з дня нараджэння беларускага паэта, заслужанага работніка культуры Беларусі Івана Андрэевіча Муравейкі (1921–2021).



Бібліятэкарам