Дата правядзення
Час правядзення
Месца правядзення
11 верасня дзіцячы пакой запрашае дзяцей 5–10 гадоў на творчыя заняткі “Маленькая кніжачка”.
Для стварэння мініяцюрнай кніжачкі ў тэхніцы арыгамі спатрэбіцца аркуш белага колеру, з якога ўдзельнікі навучацца складаць старонкі для будучай кніжачкі, і каляровая папера – для яркай вокладкі. Аздабленнем вокладкі стануць вясёлыя і маляўнічыя налепкі.
На занятках дзеці паразважаюць пра тое, якую важную ролю адыгрывае кніга ў жыцці кожнага чалавека, адгадаюць загадкі і адкажуць на пытанні пазнавальнай віктарыны.
Час правядзення мерапрыемства: 14.30–16.00.
Наведванне дзіцячага пакоя платнае.
Папярэдні запіс па тэлефоне: (8 017) 293 25 34.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.