Дата правядзення
Час правядзення
Месца правядзення
21 верасня а 17-й гадзіне ў галерэі “Атрыум” (3-ці паверх) Нацыянальнай бібліятэкі Беларусі адкрылася выстаўка “Арт-Мінск 2021”.
Нацыянальная бібліятэка Беларусі ў чацвёрты раз прымае ўдзел у фестывалі мастацтва “Арт-Мінск”. Як і ў мінулыя гады, фестываль аб’яднае некалькі выставачных пляцовак Мінска, на некаторы час ператвараючы іх у адну вялікую і яскравую галерэю. Маштабнае свята прысвечана адзінай мэце – падарыць жыхарам і гасцям горада асалоду ад мастацтва.
Насычаная экспазіцыя прадставіць лепшыя і найбольш арыгінальныя творы са скарбонкі сучаснага беларускага выяўленчага мастацтва, якія ўразяць і зацікавяць наведвальнікаў. Гасцей выстаўкі чакаюць работы мастакоў розных пакаленняў і светапоглядаў, аб’яднаных выяўленчай энергіяй і выканальніцкім талентам.
Асаблівасцю фестывалю “Арт-Мінск” з’яўляецца адкрыццё новых імёнаў, яшчэ малазнаёмых беларускаму гледачу. Пры гэтым у экспазіцыі будуць прадстаўлены работы і славутых аўтараў, што дасць магчымасць адчуць пульс творчага жыцця, дынаміку і кірункі развіцця сучаснага выяўленчага мастацтва.
Выстаўка будзе працаваць да 24 кастрычніка.
Дата заканчэння працы экспазіцыі можа быць зменена.
На мерапрыемства ўваход вольны. У астатні час – па чытацкім білеце або білеце сацыякультурнага цэнтра.
Тэлефон для даведак: (8 017) 368 37 37.
E-mail: pr@nlb.by