Дата правядзення
Час правядзення
Месца правядзення
1 снежня ў бібліятэцы пачне работу круглы стол “Беларускія пераклады Бібліі”, прымеркаваны да 95-годдзя выдання першай біблейскай кнігі на сучаснай беларускай мове.
У межах круглага стала адбудуцца:
- прэзентацыя факсімільнага выдання першага перакладу біблейскай кнігі на сучасную беларускую мову “Паводле Лукі Святое Евангелле”, якое выйшла ў 2021 г. у выдавецтве Нацыянальнай бібліятэкі Беларусі;
- прэзентацыя перакладу Евангелля, які выканаў брат Якуба Коласа Міхась Міцкевіч (першае выданне 2021 г.);
- цырымонія перадачы рукапісаў перакладу Бібліі Уладзіслава Чарняўскага ў фонды Нацыянальнай бібліятэкі Беларусі.
Гасцям будзе прадстаўлена невялікая выстаўка каштоўных дакументаў па гісторыі перакладаў Бібліі на беларускую мову.
Удзел у мерапрыемстве прымуць айчынныя мовазнаўцы, гісторыкі, выкладчыкі, перакладчыкі, выдаўцы, багасловы, царкоўна- і свяшчэннаслужыцелі розных канфесій.
Пасяджэнне пачнецца а 11-й гадзіне ў зале адукацыйных тэхналогій (пам. 346).
Тэлефон для даведак: (8 017) 293 27 81.