“Брама” запрашае!

12 студзеня а 17-й гадзіне ў галерэі “Ракурс” (2-гі паверх) адкрылася выстава “30 гадоў першай беларускай галерэі”, прымеркаванай да юбілею аўтарскай некамерцыйнай канцэптуальнай галерэі “Брама”.

Выставачны праект – рэтраспектыўны дайджэст 30 гадоў існавання галерэі. На яе рахунку – каля 300 выстаў і канцэптуальных праектаў, у тым ліку міжнароднага фармату. Выставы ўпрыгожвалі фестывалі і прэм'еры, адкрывалі новыя імёны.

Экспанаты дзівяць шырокай палітрай відаў, жанраў і стыляў (жывапіс, скульптура, графіка) і разнастайнасцю матэрыялаў – тэкстыль, метал, шкло, кераміка, фарфор.

Куратар гэтага праекта – заснавальніца першай галерэі суверэннай Беларусі – аўтарскай некамерцыйнай канцэптуальнай галерэі “Брама” Ларыса Фінкельштэйн, член Беларускага саюза мастакоў, Беларускага саюза дызайнераў, Беларускага саюза літаратурна-мастацкіх крытыкаў, Міжнароднай асацыяцыі мастацтвазнаўцаў “АІС”.

Убачыць цудоўныя ўзоры беларускага выяўленчага і дэкаратыўнага мастацтва, пазнаёміцца з яркімі імёнамі і праектамі аўтараў, найбольш адпаведнымі духу галерэі “Брама”, можна да 1 сакавіка 2022 года.

На вернісаж уваход вольны, у астатні час – па чытацкім білеце або білеце сацыякультурнага цэнтра.
Дата заканчэння працы экспазіцыі можа быць зменена.
Час работы выстаўкі адпавядае рэжыму работы бібліятэкі.

Тэлефон для даведак: (8 017) 368 37 37.