Дата правядзення
Час правядзення
Месца правядзення
Нацыянальная бібліятэка Беларусі працягвае цыкл “Крыніцы гістарычнай памяці” ў фармаце сустрэч з вядомымі навукоўцамі.
Наступная лекцыя “Статуты ВКЛ у кантэксце гісторыі права Беларусі” адбудзецца 9 сакавіка а 15-й гадзіне. Экспертам выступіць кандыдат гістарычных навук, дацэнт кафедры гісторыі Беларусі старажытнага часу і сярэдніх вякоў гістарычнага факультэта Беларускага дзяржаўнага ўніверсітэта Уладзімір Падалінскі.
Лекцыі ладзяцца ў адкрытым для публікі фармаце. Кожная сустрэча прысвечана адной з важных старонак нашай мінуўшчыны, якая раскрываецца на прыкладзе гістарычных крыніц – летапісаў, рукапісных кніг, старадрукаў, даўніх карт, гравюр, падпольных і партызанскіх выданняў часоў вайны, твораў беларускай літаратуры і іншых крыніц, якія захоўваюць гістарычную памяць беларускага народа.
Далучыцца да адукацыйных лекцый можна і падчас жывой трансляцыі на платформе YouTube па адрасе https://www.youtube.com/watch?v=A0YsGuKxqsY.
Уваход на мерапрыемства вольны.
