Дата правядзення
Час правядзення
Месца правядзення
29 студзеня дзіцячы пакой запрашае дзяцей 5–10 гадоў на творчыя заняткі “Навука вакол нас”.
Многія фізічныя з’явы, якія адбываюцца з прадметамі, можна лёгка растлумачыць з навуковага пункту гледжання. Напрыклад, што будзе, калі перакуліць накрытую аркушам шклянку з вадой? Дзеці паўдзельнічаюць у правядзенні цікавых вопытаў, якія дапамогуць ім лепш спазнаць навакольны свет і атрымаць новыя веды.
На занятках хлопчыкі і дзяўчынкі зробяць маляўнічы выраб у тэхніцы абрыўной аплікацыі. З абрыўкаў каляровай паперы, падбіраючы колеры і правільна размяшчаючы часткі аплікацыі на папяровай аснове, юныя ўдзельнікі склеяць выяву паветранага шара.
Час правядзення мерапрыемства: 14.30–16.00.
Наведванне дзіцячага пакоя платнае.
Усе мастацкія матэрыялы дзецям будуць прадстаўлены.
Папярэдні запіс па тэлефоне: (8 017) 293 25 34.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.