Дата правядзення
Час правядзення
Месца правядзення
26 мая а 15-й гадзіне адбудзецца мерапрыемства, прымеркаванае да 100-годдзя Нацыянальнай бібліятэкі Беларусі і юбілею з дня нараджэння аднаго з найбольш яркіх яе прадстаўнікоў Ю.І. Бібіла (1897–1974).
Дзейнасць Ю.І. Бібіла аказала значны ўплыў на развіццё айчыннай бібліяграфічнай навукі. Ёю былі падрыхтаваны фундаментальныя бібліяграфічныя выданні, якія ўвайшлі ў скарбніцу нацыянальнай бібліяграфіі і да сённяшняга дня застаюцца запатрабаванымі.
У рамках мерапрыемства пройдзе прэзентацыя інтэрнэт-рэсурсу “Нястомны руплівец на ніве беларускай бібліяграфіі Юлія Іосіфаўна Бібіла (1897–1974): да 125-годдзя з дня нараджэння”.
Віртуальны праект уключае ў сябе біябібліяграфічныя матэрыялы, алічбаваныя копіі выданняў, асабістых дакументаў, рукапісаў, рэдкіх фота і інш.
Удзел у мерапрыемстве прымуць спецыялісты бібліятэк, адукацыйных устаноў, сваякі Ю.І. Бібіла.
Сустрэча пройдзе ў памяшканні 307. Прадугледжаны таксама анлайн-фармат.
Падключыцца да трансляцыі:
https://us02web.zoom.us/j/87007570346?pwd=azlvSUN5WEZNQXJwSUg5Q3dEQnVLdz09
Ідэнтыфікатар трансляцыі: 870 0757 0346
Код доступу: 576646
Запрашаем усіх жадаючых!
Матэрыял пададзены навукова-даследчым аддзелам бібліяграфіі.