Дата правядзення
Час правядзення
Месца правядзення
28 мая дзіцячы пакой запрашае дзяцей 5–10 гадоў на творчыя заняткі “Кеды” ў тэхніцы мадэлявання.
Выконваць аб’ёмныя вырабы з паперы – гэта заўсёды вельмі займальная і творчая справа. У гэты раз дзеці будуць вучыцца рабіць з каляровай паперы мадэль спартыўнага абутку.
Хутчэй асвоіць новую тэхніку мадэлявання дапамогуць падрыхтаваныя загадзя шаблоны кедаў. Удзельнікам трэба будзе толькі выразаць шаблон па пазначаных суцэльных лініях і скласці паперу – па пункцірных. Потым склеіць бакі адзін з адным і завязаць рознакаляровыя шнуркі. У выніку, атрымаецца вельмі яркі выраб.
Падчас заняткаў дзеці адгадаюць загадкі і пагуляюць у вясёлыя гульні “Зашнуруй шнуркі” і “Моднае адзенне”.
Час правядзення мерапрыемства: 14.30–16.00.
Наведванне дзіцячага пакоя платнае.
Усімі мастацкімі матэрыяламі дзеці будуць забяспечаны.
Папярэдні запіс па тэлефоне: (8 017) 293 25 34.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.
