ГалоўнаяНавіныАўтарскі погляд
Факсіміле высокага ўзроўню
Калекцыя Нацыянальнай бібліятэкі папоўнілася самым раннім выданнем Адама Міцкевіча з усіх, што зберагаюцца ў дзяржаўных зборах краіны

Па сакрэце: таямніцы фондасховішча Нацыянальнай бібліятэкі

Па сакрэце: таямніцы фондасховішча Нацыянальнай бібліятэкі
Іншыя навіны

Нядаўна мы прыадчынілі заслону таямнічасці ў сховішчы “алмаза ведаў”. Значная частка фондаў – гэта не кнігі. Прапануем зазірнуць на стэлажы з газетамі і часопісамі і даведацца больш падрабязна, што захоўваецца ў спецыялізаваным фондзе.

Пераезд у цяперашні будынак бібліятэкі трынаццаць гадоў таму даў магчымасць рэарганізаваць фонды ў новай, добра абсталяванай прасторы, дзе досыць месца, каб збіраць і захоўваць выданні ўсіх відаў.

Ужо сама канструкцыя будынка выконвае важныя для захавання бібліятэчных адзінак функцыі. Знешнія і ўнутраныя вокны сховішча падзеленыя абводным калідорам і размяшчаюцца ў шахматным парадку, а гэта значыць, што на кнігі, часопісы і газеты не трапляюць прамыя сонечныя промні.

fondohr_2.jpg

А яшчэ дасягаецца эфект тэрмасу. Сістэмы вентыляцыі і кандыцыянавання забяспечваюць неабходны тэмпературна-вільготнасны рэжым, аднак і сама архітэктура “алмаза ведаў” прадумана з максімальнай эфектыўнасцю. Абводныя калідоры – нешта накшталт праслойкі паміж унутранымі памяшканнямі і вуліцай. Таму нават у спякотныя ці марозныя дні на падтрыманне патрэбнай тэмпературы ўнутры сховішча энергетычныя затраты сістэмы невысокія. Даныя аб стане памяшканняў пастаянна адсочваюцца адмысловымі службамі бібліятэкі.

fondohr_18.jpg

Для бібліятэкі важна захаваць бяспеку не толькі кніг, але і супрацоўнікаў. Нядаўна ўсталявалі вось такія ручкі, якія ў выпадку пажару дапамогуць лёгка адкрыць калідорныя дзверы. Спадзяёмся, што на практыцы іх выкарыстаць не давядзецца.

fondohr_1.jpg

Чым вышэй або ніжэй ад цэнтра “алмаза”, тым цікавей становіцца архітэктура паверхаў. Грані 73-метровага ромбакубаактаэдра размешчаны пад вуглом да зямлі, таму калідоры часта выглядаюць нестандартна. І вокны таксама.

Дарэчы, памяшканні сховiшча называюцца сегментамі і маюць уласную нумарацыю. Газетныя размешчаны на 7-м, 9-м і 16-м паверхах, часопісныя – на 13-м і 14-м. Звычайна сегменты падзелены па тыпах перыёдыкі ці іншых адзінак.

fondohr_5.jpg

Напрыклад, першы сегмент фонду захоўвання газет адведзены пад гарадскія і абласныя газеты Беларусі, газеты ліквідаваных раёнаў і ліквідаваных абласцей. Стэлажы запоўнены падшыўкамі розных выданняў, а таксама стосамі свежых, яшчэ не падшытых газет. Кожную з іх можна замовіць у электронным каталогу – супрацоўніцы аддзела клапоцяцца пра тое, каб своечасова адсартаваць новыя паступлення і ўнесці іх у каталог.

Па газетах можна адсачыць самыя яркія і важныя падзеі ў гісторыі Беларусі. Што хвалявала жыхароў новай савецкай краіны? Як пісалася гісторыя незалежнай дзяржавы? Што трапляла ў перадавіцы найбуйнейшых газет? Уся гэтая інфармацыя захоўваецца на стэлажах. Цэлы сегмент адведзены пад раённую перыёдыку. Газетная гісторыя Беларусі тут як на далоні: карэньчыкі падшывак у ідэальным алфавітным парадку з усіх рэгіёнаў краіны чакаюць свайго чытача.

fondohr_13.jpg

У Нацыянальнай бібліятэцы размешчаны фонд як дарэвалюцыйных, так і сучасных нацыянальных і замежных часопісаў, а таксама часопісаў Расійскай Федэрацыі і СНД. Падшыўкі старых выданняў хутчэй нагадваюць карэньчыкі кніг. Дарэчы, менавіта тут выразна адчуваецца асаблівы пах старой перыёдыкі, які заўсёды асацыяваўся з фондасховішчам.

fondohr_3.jpg

fondohr_8.jpg

Спецыялізаваныя калекцыі – пярліна фондасховішча. Складаюцца яны з не зусім звыклых выданняў: паштовак, плакатаў, календароў, нот, дыскаў, вінілавых пласцінак і фільмаў. Напрыклад, філакартысты тут змогуць знайсці што заўгодна: ад дарэвалюцыйных панарам Мінска да традыцыйных кветкавых кампазіцый і рэпрадукцый вядомых карцін.

fondohr_14.jpg

Для тых, хто захапляецца музыкай, праз электронны каталог даступна ўсё багацце гэтага фонду – ад нот і аўдыязапісаў твораў сусветных класікаў да архіўных афіш, якія расказваюць, напрыклад, аб оперных прэм'ерах Вялікага тэатра Беларусі. Папулярныя ў меламанаў вінілавыя пласцінкі (тут і Queen, і Abba, і многія інш.) таксама можна замовіць, каб праслухаць у зале нотных і аўдыявізуальных дакументаў.

fondohr_16.jpg fondohr_17.jpg

На кожным паверсе сховішча ёсць свой размеркавальны хол. На камп’ютар дзяжурнага бібліятэкара паступае заказ, дзе паказана, што трэба пэўнаму чытачу ў сегментах сховішча. Магчыма, гэта падшыўка беларускіх газет для студэнта журфака, які піша курсавую работу. Або артыкул у архіўным часопісе для захопленага спецыялізаванай тэмай даследчыка. Кожная адзінка фондаў мае свой ідэнтыфікацыйны нумар і штрыхавы код. Такім чынам бібліятэкары хутка знаходзяць неабходнае выданне і адпраўляюць яго па сістэме “Тэлеліфт” у зону выдачы. Запоўненая цялежка з'язджае ўніз, каб як мага хутчэй даставіць заказ карыстальніку. Але для вачэй наведвальнікаў усё гэта застаецца “за кадрам”.

fondohr_10.jpg

Аўтар публікацыі: Яна Паляшчук.

Матэрыял падрыхтаваны аддзелам суправаджэння інтэрнэт-партала.


Навіны

Памiж iмпрэзай i шапiкам

22 Лют 2020

21 лютага мы адсвяткавалі Дзень роднай мовы. Некалi Вальтэр сказаў: “Усе найгалоўныя замежныя мовы можна вывучыць за шэсць гадоў, але для вывучэння сваёй недастаткова i цэлага жыцця”.

Навіны бібліятэк

Сустрэча з адвакатам аб захаванні інтарэсаў непаўналетніх пры разводзе і падзеле маёмасці

21 Лют 2020

20 лютага 2020 г. Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Непаўналетнія: захоўваем інтарэсы пры разводзе і падзеле маёмасці”.

Навіны Нацыянальнай бібліятэкі Беларусі

22 лютага 1945 года. 77 дзён да Перамогі

22 Лют 2020

Налёты савецкай авіяцыі на гарады Германіі. Становішча ў Берліне. Падрыхтоўка да святкавання Дня Чырвонай арміі. Газета “Ленінская праўда” (Дзяржынскі раён) (№ 13).

Праект “100 дзён да Вялікай Перамогі. Па старонках беларускіх газет 1945 г.”

Пра дзень роднай мовы ў бібліятэцы даведаліся гледачы праграмы “Добрай раніцы, Беларусь!”

21 Лют 2020

У эфіры тэлеканала “Беларусь 1” намеснік генеральнага дырэктара Нацыянальнай бібліятэкі Беларусі Алена Далгаполава расказала пра тое, што падрыхтавалі супрацоўнікі “алмаза ведаў” да Міжнароднага дня роднай мовы.

Навіны Нацыянальнай бібліятэкі Беларусі

УДК на беларускай мове для арганізацыі краязнаўчых фондаў

21 Лют 2020

20 лютага ў Мінскай абласной бібліятэцы імя А.С. Пушкіна адбыўся практыкум “Ужыванне Універсальнай дзесятковай класіфікацыі на беларускай мове для арганізацыі краязнаўчага фонду публічнай бібліятэкі і яго адлюстравання ў электронным каталогу”, падрыхтаваны Нацыянальнай бібліятэкай Беларусі.

Навіны Нацыянальнай бібліятэкі Беларусі

Пра прафесію бібліятэкара – у эфіры тэлеканала "Беларусь 1"

20 Лют 2020

Фізічныя нагрузкі і праца з лічбамі – такое апісанне не вельмі падобна на будні бібліятэкара. Аднак Ульяна Копцік, бібліятэкар 1-й катэгорыі аддзела захоўвання спецыялізаваных фондаў Нацыянальнай бібліятэкі Беларусі, разбурыла стэрэатыпы пра ўласную прафесію.

Партрэты: гісторыя бібліятэкі ў асобах

111