19 мая адбыўся вэбінар “Аператыўны рамонт блока сучасных дакументаў”, у якім узялі ўдзел прадстаўнікі рэспубліканскіх, абласных, раённых і іншых бібліятэк.
Спецыялісты Нацыянальнай бібліятэкі Беларусі расказалі пра новыя даступныя матэрыялы, якія зручна выкарыстоўваць пры знішчэнні пашкоджанняў блока пры карашку, уклейцы лістоў / ксеракопій лістоў, далі практычныя рэкамендацыі па аператыўным рамонце блокаў сучасных дакументаў.
Падчас мерапрыемства быў прадэманстраваны навучальны фільм па аператыўным рамонце кніжных блокаў рознымі метадамі: з дапамогай двухбаковай клейкай стужкі на аснове поліэфірнай плёнкі і акрылатнага клею, дысперсіі ПВА.
Матэрыял падрыхтаваны цэнтрам алічбоўкі і забеспячэння захаванасці бібліятэчных дакументаў.