18 мая ў бібліятэцы адбыўся семінар, прысвечаны пытанням выкарыстання электронных інфармацыйных рэсурсаў у дзейнасці бібліятэк устаноў вышэйшай і сярэдняй адукацыі.
Семінар прайшоў у змешанай вочна-дыстанцыйнай форме. Яго ўдзельнікамі сталі супрацоўнікі бібліятэк універсітэтаў і каледжаў з усіх рэгіёнаў Беларусі.
На семінары былі абмеркаваны перавагі і алгарытмы цэнтралізаванай падпіскі бібліятэк на доступ да ліцэнзійных баз даных праз віртуальную чытальную залу Нацыянальнай бібліятэкі.
Удзельнікі пазнаёміліся з магчымасцямі электронна-бібліятэчнай сістэмы “БиблиоРоссика” – ліцэнзійнага інфармацыйнага рэсурсу ўніверсальнай тэматыкі, прызначанага для бібліятэчна-інфармацыйнага абслугоўвання навучэнцаў і выкладчыкаў усіх ступеней адукацыі.
Віртуальная чытальная зала запрашае да супрацоўніцтва ўсе зацікаўленыя арганізацыі нашай краіны па пытаннях падпіскі на ліцэнзійныя базы даных і навучання працы з імі.
Матэрыял пададзены аддзелам карпаратыўнага ўзаемадзеяння.