Нацыянальная бібліятэка Беларусі, турбуючыся пра здароўе сваіх чытачоў, часова зачыніла свае дзверы для наведвальнікаў, але па-ранейшаму працягвае актыўную працу анлайн.
Паколькі ў вас з’явілася болей часу для працы дыстанцыйна, прапануем згадаць найбольш цікавыя відэа пра бібліятэку.
Гісторыя
Як у Мінску паўстаў новы сімвал краіны ў мудрагелістай форме ромбакубаактаэдра? У відэа з першакрыніц сабраны самыя цікавыя факты пра будаўніцтва і найсучаснейшае абсталяванне “алмаза ведаў”.
Экскурсіі
Нацыянальная бібліятэка сёння – гэта не толькі кнігі, але паўнавартасны культурніцкі і адукацыйны медыяцэнтр. Даведайцеся пра гэта болей з першых вуснаў.
Музей кнігі
Адпраўцеся ў віртуальную экскурсію па музеі, які зберагае найкаштоўнейшыя старадрукі і рэдкія выданні – сапраўдныя перліны шматвяковай гісторыі беларускага кнігадрукавання.
Інтэрв’ю
Генеральны дырэктар Нацыянальнай бібліятэкі Беларусі Раман Матульскі расказаў пра сваю працу, хобі і самы неабдуманы ўчынак у жыцці – выбар прафесіі.
Цікавосткі
Як захоўваюць кнігі ў Нацыянальнай бібліятэцы? Як іх алічбоўваюць? І якія “сакрэты” знаходзяць паміж старонак? Тэлеканал “АНТ” старанна вышукваў цікавосткі галоўнай кніжнай скарбніцы Беларусі.
Неўзабаве Нацыянальная бібліятэка вернецца ў афлайн ды зноў адчыніць свае дзверы.
Запішыцеся – тут поўна новых ведаў і нечаканых адкрыццяў.
Матэрыял падрыхтаваны аддзелам суправаджэння інтэрнэт-партала.
Чытайце таксама: Відэаархіў найноўшых даследаванняў, прысвечаных Жыровічам і беларускай кніжнасці