ГалоўнаяНавіныБібліятэка анлайн
“Каханне нiчога не просе…”
Буктрэйлеры: “Жураўліны крык” і “Сотнікаў” Васіля Быкава

Знаёмімся: візітная картка культурнай сталіцы Беларусі – 2020

Знаёмімся: візітная картка культурнай сталіцы Беларусі – 2020
Іншыя навіны

Віртуальная чытальная зала НББ разам з публічнымі бібліятэкамі працягвае віртуальныя падарожжы па славутасцях нашай краіны.

Гэтым разам адпраўляемся ў раённы цэнтр Гродзенскай вобласці – старажытны і вечна малады горад Ліду. Падставы для гэтага падарожжа, як мінімум дзве. Па-першае, Ліда атрымала статус “Культурнай сталіцы Беларусі – 2020” і, адпаведна, становіцца цэнтрам культурнага жыцця ў нашай краіне. А па-другое, адной са знакавых славутасцей рэгіёну, візітнай карткай Ліды і цэнтрам прыцягнення гасцей на працягу апошніх гадоў з’яўляецца цудоўны помнік абарончага дойлідства – Лідскі замак. Гістарычныя крыніцы паведамляюць, што пабудаваны ён быў вялікім князем Вялікага Княства Літоўскага Гедымінам у першай палове XIV стагоддзя для абароны ад шматлікіх нападаў крыжакоў.

Князі Гедымін, Альгерд, Ягайла, ханы Тахтамыш і Даўлет-Хаджа Гірэй, кіраўнік паўстання 1794 года Тадэвуш Касцюшка – гэтыя вядомыя імёны аб’ядноўвае гісторыя Лідскага замка. Якім чынам? Даведацца пра гэта можна, пазнаёміўшыся з кантэнтам электроннага інфармацыйнага рэсурсу, які так і называецца “Лідскі замак”. Створаны гэты краязнаўчы рэсурс супрацоўнікамі Лідскай раённай бібліятэкі імя Янкі Купалы. Асноўныя яго раздзелы: “Адкуль з’явілася Ліда”, “Будаўніцтва Лідскага замка”, “Гісторыя Лідскага замка”, “Легенды і таямніцы Лідскага замка”, “Лідскі замак у мастацтве”, “Бібліяграфія”.

Пасля віртуальнага падарожжа, упэўнены, чытачам абавязкова захочацца ўбачыць замак на свае вочы, наведаўшы адзін з самых старажытных гарадоў Беларусі. Сёння Лідскі замак адрэстаўраваны і адкрыты для турыстаў. Штогод тут праходзяць захапляльныя рыцарскія турніры, тэатралізаваныя паказы і фестывалі, а на 2020 год запланавана і шмат іншых займальных мерапрыемстваў. Прыемнага ўсім падарожжа! Пакуль віртуальнай, па спасылцы віртуальнай чытальнай залы НББ або вэб-сайта “Беларусь у інфармацыйнай прасторы”.

Матэрыял прадастаўлены аддзелам карпаратыўнага ўзаемадзеяння.

Навіны

5 Ліп 2020

Чалавек рэдка бывае задаволены эпохай, у якой яму выпадае нарадзіцца, і схільны рамантызаваць мінулае. Зразумела, мала хто жадае жыць падчас вайны, змены грамадскага ладу ці быць сведкам прыродных катастроф. Аднак падобныя стрэсавыя сітуацыі спрыяюць актывізацыі чалавечага патэнцыялу, пераацэнцы каштоўнасцей і з’яўленню геніяў – асоб, якія закліканы даць свету надзею, арыенціры для будучыні, растлумачыць сутнасць рэчаў і ісці сваім прароцкім шляхам, часта насуперак акружэнню. Іх імёнамі потым, праз шмат гадоў ці нават праз стагоддзі, называюць гарадскія вуліцы і плошчы.

Навіны бібліятэк

Нацыянальная бібліятэка афарбавалася ў колеры канадскага флага

2 Ліп 2020

1 ліпеня Дзень Незалежнасці адзначае Канада. З нагоды нацыянальнага свята паўночнаамерыканскай краіны на вонкавым электронным светлавым табло Нацыянальнай бібліятэкі Беларусі з’явіўся бела-чырвоны сцяг з кляновым лістом – сімвалам Канады. Акцыя прайшла па ініцыятыве Міністэрства замежных спраў Рэспублікі Беларусь.

Навіны Нацыянальнай бібліятэкі Беларусі

Больш за 4 тыс. нумароў беларускіх часопісаў міжваеннага перыяду сталі даступны анлайн

2 Ліп 2020

Нацыянальная бібліятэка Беларусі працягвае адкрываць анлайн свае фонды. Напярэдадні Дня Незалежнасці Рэспублікі Беларусь паўнатэкставая электронная калекцыя “Беларуская літаратурная спадчына. Часопісы 1919–1939 гг.” папоўнілася новымі выданнямі.

Бібліятэка анлайн

2 Ліп 2020

Творчасць Валянціны Паліканінай даўно заўважана не толькі айчыннымі літаратарамі, але і замежнымі. Зрэшты, дзейнасць паэтэсы, публіцыста, перакладчыцы не абмяжоўваецца толькі літаратурай. Пасля аддзела культуры часопіса «Беларусь» яна працягвае журналісцкую працу ў часопісе «Гаспадыня». Нядаўна стала вядома, што Валянціна Паліканіна – у ліку іншых дзечаў культуры, якія неўзабаве атрымаюць медаль Францыска Скарыны.

Навіны бібліятэк

3 Ліп 2020

Я не ведаю (каюся ў сваёй недасведчанасці), ці надрукавана тое, пра што я хачу сказаць, у кнігах альбо перыядычных выданнях. Гаворка пра Яна Скрыгана і яго згадку пра Янку Купалу. Зноў жа – матэрыял з цэкоўскага сейфа.

Навіны бібліятэк

111