Нацыянальная бібліятэка Беларусі стала адным з арганізатараў конкурсу буктрэйлераў – кароткіх відэаролікаў, прысвечаных пэўнай кнізе. Сярод задач конкурсу – стварэнне калекцыі такіх відэа для далейшай перадачы ў бібліятэчную сістэму рэспублікі. У спецыяльнай рубрыцы нашага партала можна пазнаёміцца з матэрыяламі, створанымі маладымі для маладых.
“Хатынская аповесць” Алеся Адамовіча – няпростае выпрабаванне для маладых аўтараў буктрэйлераў. Сама па сабе кніга вельмі эмацыянальна насычаная і пасля прачытання пакідае глыбокае ўражанне – як і заснаваны на ёй фільм 1985 года “Ідзі і глядзі”.
Гэта аповесць-папярэджанне, у якой вайна паўстае ўва ўсёй сваёй брыдкай аголенасці, гэта аповесць-заклік – да змагання з фашызмам ва ўсіх яго праявах.
Таму важна зразумець, ці змаглі да патэнцыяльных чытачоў данесці глыбокі антываенны пафас удзельнікі конкурсу.
Хтосьці па-майстэрску, амаль чароўна вырашыў пытанне з мантажом свайго роліка, не забыўшыся пры гэтым працытаваць славуты фільм Элема Клімава:
Для некага было важна ўтварыць лаканічнае і эмацыянальна насычанае паведамленне з яркімі візуальнымі вобразамі (таксама ўзятымі з экранізацыі Клімава):
Розныя па чытацкім бачанні і спосабе рэалізацыі, гэтыя відэа спалучаныя адным – жаданнем данесці важную кнігу да сучаснага чытача.
Матэрыял падрыхтаваны аддзелам суправаджэння інтэрнэт-партала.