ГалоўнаяНавіныБуктрэйлеры
Знаёмімся: візітная картка культурнай сталіцы Беларусі – 2020
Неўзабаве пабачыць свет факсімільнае выданне Жыровіцкага Евангелля

Буктрэйлеры: “Жураўліны крык” і “Сотнікаў” Васіля Быкава

Буктрэйлеры: “Жураўліны крык” і “Сотнікаў” Васіля Быкава
Іншыя навіны

Нацыянальная бібліятэка Беларусі стала адным з арганізатараў конкурсу буктрэйлераў – кароткіх відэаролікаў, прысвечаных пэўнай кнізе. Сярод задач конкурсу – стварэнне калекцыі такіх відэа для далейшай перадачы ў бібліятэчную сістэму рэспублікі. У спецыяльнай рубрыцы нашага партала можна пазнаёміцца з матэрыяламі, створанымі маладымі для маладых.

Мы ўжо пісалі пра буктрэйлеры па творах Васіля Быкава. У цэнтры ўвагі ўдзельнікаў конкурсу аказаліся і такія аповесці беларускага пісьменніка, як “Жураўліны крык” і “Сотнікаў”.

Сюжэт аповесці “Жураўліны крык” знаёмы ўсім: атрад з шасці салдат Чырвонай арміі і невыканальная задача – затрымаць нямецкія войскі ля чыгуначнага пераезду на суткі. У гэтай гісторыі раскрываюцца розныя лёсы і характары, трагічныя павароты жыцця герояў аповесці. Але ім усім хочацца жыць.

Дзве конкурсныя работы зманціраваны з кадраў шматсерыйнага фільма “Доўгія вёрсты вайны”, які быў зняты па некалькіх творах Васіля Быкава. Сам пісьменнік выступіў у якасці сцэнарыста. Прапануем пазнаёміцца з работамі.

Відэашэраг для аднаго з буктрэйлераў зняты самім канкурсантам. Маладыя хлопцы ў ваеннай форме са зброяй праўдападобна інсцэніруюць ключавыя сюжэты аповесці, увасабляючы і “добрых”, і “дрэнных” герояў.

Буктрэйлер да вядомай аповесці Васіля Быкава “Сотнікаў” зманціраваны з розных фільмаў пра Другую сусветную вайну, у тым ліку заходніх. Такая падача разам з цітрамі аб сюжэтных асновах гісторыі дазваляе стварыць драматычны напал.

Матэрыял падрыхтаваны аддзелам суправаджэння інтэрнэт-партала.

Навіны

Інтэрв’ю з гендырэктарам Нацыянальнай бібліятэкі да Дня Незалежнасці

7 Ліп 2020

А вы ведалі, што Беларусь займае 10-е месца ў свеце па колькасці бібліятэк на мільён насельніцтва? Да Дня Незалежнасці здымачная група тэлеканала АНТ прыехала ў беларускі храм кнігі, каб сустрэцца з яго кіраўніком.

Навіны Нацыянальнай бібліятэкі Беларусі

7 Ліп 2020

7 ліпеня 1882 года ў вёсцы Вязынка, што паміж Мінскам і Маладзечна, нарадзіўся Янка Купала. Звычайны беларускі хлапец з танклявымі рысамі твару мог паўтарыць лёс свайго бацькі – дробнага шляхціца, які жыў з арэнды зямлі.

Навіны бібліятэк

Нацыянальная бібліятэка Беларусі на міжрэгіянальным круглым стале “Метадычная служба рэгіянальных бібліятэк у сучасных умовах”

7 Ліп 2020

Да 75-годдзя Вялікай Перамогі 3 ліпеня 2020 года ў Пензенскай абласной бібліятэцы імя М. Ю. Лермантава ў фармаце анлайн адбыўся XII Міжрэгіянальны круглы стол “Метадычная служба рэгіянальных бібліятэк у сучасных умовах”, удзел у якім Нацыянальная бібліятэка Беларусі прыняла ўпершыню.

Навіны Нацыянальнай бібліятэкі Беларусі

Фонд бібліятэкі папоўніўся каштоўнымі выданнямі

6 Ліп 2020

У рамках выставачнага праекта “Вайна і мір. Беларусь памятае. Вяртанне”, прымеркаванага да 75-годдзя Вялікай Перамогі, калекцыянер Уладзімір Ліхадзедаў перадаў бібліятэцы рэдкія выданні XIX–XX стагоддзяў. Сярод іх – унікальныя кнігі, якія распавядаюць пра ваеннае і мірнае жыццё Беларусі ў перыяд з 1812 па 1945 год.

Навіны Нацыянальнай бібліятэкі Беларусі

Як стваралася і як працуе галоўная бібліятэка рэспублікі

6 Ліп 2020

Архітэктура Нацыянальнай бібліятэкі Беларусі перавярнула ўяўленні аб тым, як павінна выглядаць галоўнае кнігасховішча краіны. Форма ромбакубаактаэдра, вынайдзеная Леанарда да Вінчы, складаная і адначасова эфектная, таму не дзіўна, што “алмаз ведаў” увайшоў у рэйтынг 100 архітэктурных шэдэўраў свету.

Навіны Нацыянальнай бібліятэкі Беларусі

111