3 лютага ў Нацыянальнай бібліятэцы Беларусі пройдзе навукова-практычны семінар “Ураджэнцы роднага краю”, прысвечаны ўшанаванню памяці пісьменнікаў-маладнякоўцаў на іх малой радзіме.
Гаворка пойдзе пра захаванне памяці пра жыццё і творчасць сяброў літаб’яднання “Маладняк”: Алеся Гурло, Яна Скрыгана, Міхася Зарэцкага, Змітрака Бядулі, Уладзіміра Дубоўкі, Кузьмы Чорнага, Пятра Глебкі, Петруся Броўкі і іншых.
Падчас семінара пройдзе прэзентацыя віртуальнага раздзела праекта “На хвалі часу, у плыні жыцця”, прысвечанага Алесю Гурло (1892–1938), 130-годдзе з дня нараджэння якога адзначалася 31 студзеня.
Больш падрабязна пра план работы навуковага мерапрыемства можна даведацца з яго праграмы.
Спампаваць праграму можна тут.
Семінар будзе праходзіць у вочным і завочным фарматах, прадугледжаны жывы эфір на платформе YouTube па адрасе https://www.youtube.com/watch?v=ryLuEW3ByvA.
Запрашаем усіх зацікаўленых!
Час правядзення: 11.00–14.00.
Месца правядзення: зала адукацыйных тэхналогій (пам. 346).
Тэлефоны для даведак: (8 017) 293 27 19, 293 29 69.
Матэрыял пададзены інфармацыйна-аналітычным аддзелам.
