ГалоўнаяНавіныДа 100-годдзя літаб'яднання "Маладняк"
Мерапрыемства да 75-годдзя агульнай Перамогі ў Музеі гісторыі Вялікай Айчыннай вайны
“Маладняк”: Enfants terribles беларускай літаратуры

У Мінску адзначылі 115-годдзе Яна Скрыгана

У Мінску адзначылі 115-годдзе Яна Скрыгана
Іншыя навіны

У суботу, 28 лістапада, мінская бібліятэка імя Маякоўскага прымала гасцей, якія сабраліся на вечар, прысвечаны 115-годдзю з дня нараджэння пісьменніка Яна Скрыгана.

Вядомы беларускі пісьменнік, паэт, навеліст, нарысіст, публіцыст і крытык нарадзіўся 16 лістапада 1905 года на Капыльшчыне. Быў двойчы рэпрэсаваны, высланы ў Сібір.

Пасля рэабілітацыі ў 1954 годзе Ян Скрыган працаваў рэдактарам у Дзяржвыдавецтве БССР, літкансультантам Саюза пісьменнікаў, рэдактарам і намеснікам галоўнага рэдактара часопіса “Полымя”. Як добры знаўца мовы быў запрошаны галоўным рэдактарам выдавецтва “Беларуская савецкая энцыклапедыя” Петрусём Броўкам на пасаду загадчыка літаратурна-кантрольнай рэдакцыі.

Вечарыну пачаў лідар гурта “Vuraj” Сяржук Доўгушаў, выканаўшы некалькі музычных замалёвак.

Сяржук Доўгушаў.jpg
Сяржук Доўгушаў

Вядучы імпрэзы, вядомы акцёр і рэжысёр Алег Вінярскі, першае слова аддаў дачцэ пісьменніка Галіне Іванаўне Скрыган. Яна прыгадвала жыццё падчас ссылак бацькі ва Узбекістане і Эстоніі, дэманстравала кніжкі, зробленыя асабіста бацькам (яна зусім нядаўна іх знайшла). Таксама Галіна Іванаўна прэзентавала кнігу фоталетапісу з хатняга архіва пісьменніка, якая выйшла сёлета ў выдавецтве “Кнігабор”. У дыхтоўнае выданне ўвайшлі некалькі соцень фатаграфій з архіва Яна Скрыгана, а таксама пазнейшыя яго сямейныя фотаздымкі, многія з іх ніколі раней не публікаваліся.

Галіна Скрыган.jpg
Галіна Скрыган

Пісьменнік Уладзімір Ягоўдзік падзяліўся сваімі ўражаннямі ад твораў Скрыгана. Ён распавёў пра сваё сяброўства з пісьменнікам і падарыў Галіне Скрыган сваю новую кнігу “Вочы Зямлі”, якая вышла з друку літаральна днямі.

Уладзімір Ягоўдзік.jpg
Уладзімір Ягоўдзік

Супрацоўніца Дзяржаўнага музея гісторыі беларускай літаратуры Вольга Гулева распавяла пра экспазіцыю, прысвечаную Яну Скрыгану і яго сучаснікам, а таксама прачытала вытрымкі з розных яго твораў.

Вольга Гулева.jpg
Вольга Гулева

Вядучы Алег Вінярскі паміж выступамі таксама чытаў творы пісьменніка. Сярод іншага ён прачытаў урыўкі з яго дзённіка, прысвечаныя вядомым асобам, з якімі сустракаўся і працаваў Ян Скрыган.

Алег Вінярскі.jpg
Алег Вінярскі

Таццяна Лаўрык, якая працуе у Нацыянальный бібліятэцы Беларусі, выказала словы вялікай падзякі Галіне Іванаўне за захаванне асабістых рэчаў пісьменніка. Яна паказала віртуальную экспазіцыю, якая прысвечана Скрыгану і яго сучаснікам, і падарыла свежы нумар часопіса “Маладосць” з артыкулам аб 115-годдзі паэта.

Таццяна Лаўрык.jpg
Таццяна Лаўрык

Сябра сям'і Скрыгана Алеся Манько ўспамінала аб той ролі, якую адыграў пісьменнік у яе стаўленні як беларускі і як чалавека ўвогуле.

Алеся Манько.jpg
Алеся Манько

Таксама на вечарыне выступіла і дырэктар школы з аграгарадка Камень Галіна Васілевіч, якая распавяла пра школьны музей вядомага суайчынніка, прыгадала, як збіралася экспазіцыя, як настаўнікі разам з вучнямі сваімі рукамі рабілі макет хаты пісьменніка. Таксама яна выказала шчырыя словы падзякі дачцэ паэта за вельмі значны ўнёсак у музей і паказала, як ён цяпер выглядае.

Галіна Васілевіч.jpg
Галіна Васілевіч

Вечар, напоўнены настроем, які стварыў Сяржук Доўгушаў сваім фальклорным міні-канцэртам, прайшоў вельмі па-хатняму, утульна і шчыра.

Сяржук Доўгушаў-1.jpg

Крыніца: Новы час

Навіны

BelBookChallenge падаўжаецца да 6 сакавіка

18 Сту 2021

BelBookChallenge набірае абароты, а вы ніяк не можаце за ім угнацца?
Па шматлікіх просьбах удзельнікаў BelBookChallenge падаўжаецца яшчэ на месяц – да 6 сакавіка ўключна. Выдатны шанец нагнаць упушчанае або нават пачаць чэлендж! Чым не выклік самому сабе?

Блог прафесійнага чытача

Віртуальная прэзентацыя літаратурнай спадчыны Андрэя Александровіча

18 Сту 2021

22 студзеня ў межах праекта “На хвалі часу, у плыні жыцця” ў бібліятэцы адбудзецца мерапрыемства “Віртуальная прэзентацыя літаратурнай спадчыны Андрэя Александровіча” (1906–1963), прымеркаванае да 115-годдзя беларускага паэта, аднаго з заснавальнікаў літаратурнага аб’яднання “Маладняк”.

Да 100-годдзя літаб'яднання "Маладняк"

Вялікі талент, вялікая работа, вялікае сэрца

18 Сту 2021

З 18 студзеня па 29 красавіка ў кальцавым калідоры 2-га паверха арганізавана кніжна-ілюстрацыйная выстаўка, прысвечаная лаўрэатам прэміі “За духоўнае адраджэнне”, спецыяльнай прэміі Прэзідэнта Рэспублікі Беларусь дзеячам культуры і мастацтва, а таксама спецыяльнай прэміі Прэзідэнта Рэспублікі Беларусь “Беларускі спартыўны Алімп” за 2020 год.

Кніжныя выстаўкі

Выстава “З кніг Уладзіміра Караткевіча” працуе да канца студзеня

19 Сту 2021

Скарыстайцеся магчымасцю і наведайце незвычайную выставу, прысвечаную 90-годдзю з дня нараджэння Уладзіміра Караткевіча, якая дзейнічае ў музеі кнігі Нацыянальнай бібліятэкі Беларусі.

Навіны Нацыянальнай бібліятэкі Беларусі

#BelBookChallenge: кніга, дзе фігурыруе выбітная гістарычная постаць

16 Сту 2021

Часам вы берацеся за нейкую тэму, а ў ёй столькі цікавага, што вам даводзіцца ламаць галаву ў нерашучасці – якую з іх выбраць? І гэтая тэма не выключэнне. Вочы разбягаюцца ад колькасці кніг з гістарычнымі асобамі? Хочацца, каб яна была і пазнавальнай, і нестандартнай, але каб сярод герояў – людзі, знаёмыя кожнаму беларусу хоць бы па падручніках гісторыі? Не панікуйце! Прадстаўляем вам спіс з пяці выдатных кніг, якія ідэальна падыходзяць па тэме. Ад вядомай класікі да коміксаў па Караткевічу – ніхто не застанецца абыякавым!

Блог прафесійнага чытача

Завітайце на літаратурна-музычнае мерапрыемства “Мой Багдановіч”

16 Сту 2021

21 студзеня ў 19.00 абавязкова завітайце на літаратурна-музычнае мерапрыемства “Мой Багдановіч”, падрыхтаванае Дзяржаўным музеем гісторыі беларускай літаратуры сумесна з Літаратурным тэатрам “Слова” пад кіраўніцтвам Зінаіды Феакціставай-Каладзяжнай.

Навіны бібліятэк

Бібліятэкарам
111