Напярэдадні Каляд і Новага года Нацыянальная бібліятэка запрашае наведаць святочную тэматычную выстаўку "А у нас сёння Каляда", размешчаную ў атрыуме 2-га паверха.
Яркая і маляўнічая экспазіцыя ўключае каля 100 дакументаў, у якіх змешчана інфармацыя аб гісторыі свят, аб славянскіх традыцыйных вераваннях, легенды і падданні; парады па арыгінальным афармленні памяшканняў і падарункаў, па вырабе елкавых упрыгожванняў, арыгамі; усё аб сервіроўцы святочнага стала і абрадавай кулінарыі; кнігі віншаванняў, пажаданняў і тостаў; вершы, казкі, калядныя апавяданні; сямейны гараскоп на будучы год, а таксама каляндар кахання і шчасця.
Педагогам адрасаваны зборнікі сцэнарыяў для дзіцячых калядных свят.
Кантактны тэлефон 293-28-86
