З 15 кастрычніка па 13 лістапада ў аддзеле абслугоўвання афіцыйнымі дакументамі (пам. 207) адкрыта выстаўка “ААН для міру і дабрабыту народаў”, прысвечаная Дню Арганізацыі Аб'яднаных Нацый.
Гэтае свята было абвешчана 31 кастрычніка 1947 г. на 2-й сесіі Генеральнай Асамблеі ААН (рэзалюцыя № 168) і штогод адзначаецца 24 кастрычніка, пачынаючы з 1948 г. Менавіта ў гэты дзень у 1945 г. уступіў у сілу Статут ААН, а ў 1971 г. Генеральная Асамблея рэкамендавала, каб усе дзяржавы-члены адзначалі яго як дзяржаўнае свята (рэзалюцыя 2782 (XXVI)).
Святкаванне Дня Арганізацыі Аб’яднаных Нацый служыць напамінам пра тое, што наша планета – гэта наш сумесны дом і што з дапамогай усеагульнага дыялогу і супрацоўніцтва можна вырашыць існуючыя праблемы. Традыцыйна ў гэты дзень ва ўсім свеце праводзяцца сустрэчы, дыскусіі і выстаўкі, прысвечаныя мэтам ААН і яе дасягненням.
Арганізацыя Аб’яднаных Нацый з’яўляецца ўнікальнай міжнароднай арганізацыяй, заснаванай для падтрымання міру і бяспекі на ўсёй Зямлі, развіцця сяброўскіх адносін паміж краінамі і спрыяння сацыяльнаму прагрэсу. На сённяшні дзень членамі Арганізацыі Аб’яднаных Нацый з’яўляецца 192 дзяржавы. Прыём у члены Арганізацыі адкрыты для ўсіх міралюбных дзяржаў і ажыццяўляецца рашэннем Генеральнай Асамблеі па рэкамендацыі Савета Бяспекі.
Дзейнасць Арганізацыі шматгранная і ахоплівае шырокае кола важных праблем, якія стаяць перад чалавецтвам. Гэтая дзейнасць ажыццяўляецца сумеснымі намаганнямі звыш 30-ці звязаных з ёй арганізацый, якія складаюць сістэму ААН. Арганізацыя Аб’яднаных Нацый і іншыя арганізацыі яе сістэмы аказваюць садзейнічанне ў захаванні праў чалавека, ахове навакольнага асяроддзя, змаганні з хваробамі, забеспячэнні развіцця і барацьбе з беднасцю. Установы Арганізацыі Аб’яднаных Нацый распрацоўваюць нормы і правілы бяспечнага і эфектыўнага паветранага і марскога зносін, спрыяюць удасканаленню тэлекамунікацый і абароне інтарэсаў спажыўцоў, садзейнічаюць забеспячэнню павагі праў інтэлектуальнай уласнасці. Арганізацыя Аб’яднаных Нацый таксама з’яўляецца ініцыятарам міжнародных кампаній па барацьбе супраць незаконнага абароту наркотыкаў і тэрарызму. Агульнавядомыя поспехі Арганізацыі Аб’яднаных Нацый у такіх сферах дзейнасці, як падтрыманне міру і гуманітарная дапамога. ААН працуе на карысць планеты, усіх працоўных і ўсіх народаў свету.
Рэспубліка Беларусь стаяла ля вытокаў стварэння ААН. Наша краіна была ў ліку 51 дзяржавы – заснавальніцы Арганізацыі Аб’яднаных Нацый. Супрацоўніцтва паміж Рэспублікай Беларусь і Арганізацыяй Аб’яднаных Нацый з’яўляецца адным з прыярытэтных кірункаў замежнапалітычнай дзейнасці нашай краіны. Беларуская дэлегацыя пастаянна бярэ ўдзел у рэгулярных і спецыяльных сесіях Генеральнай Асамблеі, Эканамічнага і сацыяльнага савета і іншых кіруючых органаў ААН. Рэспубліка Беларусь заўсёды імкнулася займаць у рамках ААН актыўную пазіцыю па крытычна важных пытаннях і праблемах міжнароднай павесткі дня і ўносіць рэальны ўклад у рашэнне дадзеных праблем. Прадстаўніцтва ААН у Беларусі пачало функцыянаваць у 1992 г. Супольнасць ААН у Рэспубліцы Беларусь уключае 11 агенцтваў, фондаў і праграм сістэмы ААН.
На выстаўцы прадстаўлена больш за 100 дакументаў з фондаў НББ на рускай і англійскай мовах: кнігі, перыядычныя выданні, мімеаграфаваныя матэрыялы ААН, брашуры, буклеты.
Экспазіцыя складаецца з наступных тэматычных раздзелаў:
- ААН: гісторыя і сучаснасць.
- Правы чалавека.
- Міжнароднае права.
- Гуманітарныя пытанні.
- Падтрыманне міру і міжнароднай бяспекі.
- Эканамічнае і сацыяльнае развіццё.
- ААН і Рэспубліка Беларусь.
Выстаўка будзе цікавая спецыялістам у сферы міжнароднага права і міжнародных адносін, палітолагам, студэнтам і выкладчыкам, а таксама ўсім, хто цікавіцца дзейнасцю ААН.
Кантактны тэлефон: (8 017) 293 27 34.
Карысныя спасылкі
Асноўныя звесткі
- Генеральны сакратар
- Галоўныя органы ААН
- Дзяржавы – члены ААН
- Інфармацыя пра ААН на іншых мовах
- Гісторыя ААН
- Кнігарня ААН
- Агульныя звесткі
- ААН у дзеянні
- Арганізацыйная структура
- Рэформа ААН
- Пытанні, якія часта задаюць
- Статут ААН
- Хроніка ААН
- Эмблема і сцяг ААН
Партнёрскія сувязі
- Глабальная мадэль ААН
- Глабальны дагавор
- Грамадзянская супольнасць
- Дзелавыя кругі
- ААН і верхавенства права
- ААН працуе для вас
- Партнёрства
Публікацыі
- Усё самае цікавае пра Арганізацыю Аб’яднаных Нацый
- З дня ў дзень
- Коратка пра ААН
- Вобраз і рэальнасць
- ААН у нашым паўсядзённым жыцці
- Гэта – Арганізацыя Аб’яднаных Нацый
- Дадатковыя публікацыі ААН