З 10 кастрычніка па 8 лістапада ў зале дакументаў міжнародных арганізацый (пам. 207g) адкрыта тэматычная кніжная выстаўка "Агульнымі намаганнямі пакончым з галечай", прысвечаная Міжнароднаму дню барацьбы за ліквідацыю галечы.
Гэты Дзень быў абвешчаны Генеральнай Асамблеяй ААН 22 снежня 1992 года (рэзалюцыя 47/196) і штогод адзначаецца 17 кастрычніка.
Гісторыя правядзення Міжнароднага дня барацьбы за ліквідацыю галечы непарыўна звязана з датай 17 кастрычніка 1987 года. У той дзень больш за сто тысяч чалавек сабраліся на плошчы Тракадэро ў Парыжы, дзе ў 1948 годзе была падпісана Усеагульная дэкларацыя праў чалавека, каб аддаць даніну памяці ахвярам крайняй галечы, насілля і голаду. Удзельнікі акцыі заявілі, што галеча з’яўляецца парушэннем праў чалавека, і пацвердзілі неабходнасць сумеснымі намаганнямі дамагацца захавання гэтых праў. Адпаведныя заявы напісаны на памятным камяні, які быў адкрыты ў той дзень. З таго часу людзі самых розных саслоўяў, перакананняў і сацыяльнага паходжання штогод збіраюцца 17 кастрычніка, каб пацвердзіць нязменнасць сваёй пазіцыі і прадэманстраваць салідарнасць з маламаёмаснымі.
Штогод на планеце пакутуюць ад хранічнага голаду і недаядання каля 500 тыс. чалавек. Кожны дзень ад прычын, прама звязаных з галечай, памірае 30 тысяч дзяцей. Амаль 3 млрд жыхароў планеты жывуць усяго на 2 долары ў дзень, і амаль столькі ж жывуць ў антысанітарных умовах. Галеча разбурае сем’і, абшчыны і народы. Яна выклікае нестабільнасць, палітычныя беспарадкі і з’яўляецца падпіткай для канфліктаў. Праявы галечы носяць розны характар, уключаючы адсутнасць прыбытку і вытворчых рэсурсаў, дастатковых для таго, каб служыць надзейнай крыніцай сродкаў да існавання. Для галечы характэрны голад і недаяданне, абмежаваны доступ да адукацыі і іншых асноўных паслуг, сацыяльная дыскрымінацыя і ізаляцыя, а таксама адсутнасць магчымасцей для ўдзелу ў працэсе прыняцця рашэнняў.
Дзень 17 кастрычніка – гэта дзень, калі ў людзей, якія пражываюць ва ўмовах галечы, ёсць шанц голасна заявіць пра свае праблемы і прыцягнуць увагу сусветнай супольнасці да нягод і бедстваў, якім яны падвяргаюцца. Правядзенне Міжнароднага дня таксама адлюстроўвае імкненне немаёмнага насельніцтва ўнесці ў справу барацьбы з галечай свой асабісты вопыт.
На Саміце тысячагоддзя сусветныя лідэры паставілі мэтай скараціць да 2015 года ўдвая долю насельніцтва, якое жыве ва ўмовах крайняй галечы, – тых, чый прыбытак складае меней за адзін долар у дзень. Гэта мэта была адобрана ў якасці мэты ў галіне развіцця 1, сфармуляванай у Дэкларацыі тысячагоддзя. У дакументах Сусветнага саміту 2005 года, гаворыцца, што выкараненне галечы "з’яўляецца для чалавецтва этычным, сацыяльным, палітычным і эканамічным імператывам". Саміт звярнуўся да ўрадаў з заклікам засяродзіць прадпрымаемыя імі намаганні і стратэгіі на ліквідацыю асноўных прычын галечы, забяспечыўшы задавальненне базавых запатрабаванняў усіх, а таксама доступ бедных груп насельніцтва да вытворчых рэсурсаў, у тым ліку да крэдытаў, адукацыі і прафесійнай падрыхтоўкі.
Прапанаваная чытачам выстаўка налічвае больш за 60 дакументаў. Вялікую частку экспазіцыі складаюць дакументы міжнародных арганізацый (ААН, Еўрапейскага саюза, Савета Еўропы і інш.) на рускай і англійскай мовах: кнігі, перыядычныя выданні, мімеаграфаваныя матэрыялы ААН, брашуры, буклеты.
Экспазіцыя ўключае наступныя тэматычныя раздзелы:
- Ліквідацыя крайняй галечы і голаду;
- Правы чалавека і галеча;
- Праца як сродак барацьбы з галечай;
- Галеча і ўстойлівае развіццё: аказанне дапамогі найменш развітым краінам і краінам з пераходнай эканомікай;
- Асноўныя кірункі нацыянальнай стратэгіі прадухілення беднаты ў Рэспубліцы Беларусь.
Выстаўка будзе цікавая студэнтам, магістрантам, выкладчыкам сацыяльна-эканамічных дысцыплін, палітычным і грамадскім дзеячам, спецыялістам у галіне сусветнай эканомікі, міжнароднага права, сусветнай палітыкі, міжнародных адносін і праў чалавека, работнікам сацыяльнай сферы.
Карысныя спасылкі
- Галеча і ўстойлівае развіццё
- Першае Дзесяцігоддзе ААН па барацьбе за ліквідацыю галечы (1997–2006)
- Другое Дзесяцігоддзе ААН па барацьбе за ліквідацыю галечы (2008–2017)
- 24-я спецыяльная сесія "Сусветная сустрэча на вышэйшым узроўні ў інтарэсах сацыяльнага развіцця і дасягненні іншых мэт: забеспячэнне сацыяльнага развіцця для ўсіх ва ўмовах глабалізацыі ва ўсім свеце" (Нью-Ёрк, 26–30 чэрвеня 2000 г.)
- Сусветная сустрэча на вышэйшым узроўні ў інтарэсах сацыяльнага развіцця (Капенгаген, 6–12 сакавіка 1995 г.)
- Дзейнасць ААН па скарачэнні маштабаў галечы
- Дзейнасць ААН па барацьбе з голадам
- Міжнародны дзень барацьбы за ліквідацыю галечы (17 кастрычніка)
Дакументы
- Рэзалюцыі Генеральнай Асамблеі:
- Пра абвяшчэнне другога Дзесяцігоддзя ААН па барацьбе за ліквідацыю галечы [A/RES/62/205]
- Пра абвяшчэнне першага Дзесяцігоддзя ААН па барацьбе за ліквідацыю галечы [A/RES/50/107]
- Другое Дзесяцігоддзе Арганізацыі Аб’яднаных Нацый па барацьбе за ліквідацыю галечы [A/RES/63/230]
- Правядзенне першага Дзесяцігоддзя Арганізацыі Аб’яднаных Нацый па барацьбе за ліквідацыю галечы
- Роля мікракрэдытавання і мікрафінансавання ў выкараненні галечы
- Даклады Генеральнага сакратара
- Дакументы Савета па правах чалавека (з 2006 г.)
- Дакументы Камісіі па правах чалавека (да 2006 г.)
- Усеагульная дэкларацыя аб ліквідацыі голаду і недаяданні (1974 г.)
- Канвенцыя аб аказанні харчовай дапамогі (1999 г.)