ГалоўнаяНавіныКніжныя выстаўкі
“Сцярлядкі” для балю
У аграгарадку Іванаўскага раёна рыхтуюцца да 200-годдзя з дня нараджэння Фёдара Дастаеўскага

Асветніца з роду Усяслава

Асветніца з роду Усяслава
Іншыя навіны

З 16 ліпеня па 3 кастрычніка запрашаем наведаць выстаўку “Асветніца з роду Усяслава”, прымеркаваную да 920-годдзя з дня нараджэння беларускай асветніцы Еўфрасінні Полацкай і 860-годдзя стварэння крыжа святой Еўфрасінні.

Еўфрасіння Полацкая. Без гэтага імя немагчыма ўявіць не толькі панараму духоўнага жыцця на ўсходнеславянскіх землях у XII стагоддзі, але і ўсю шматвяковую гісторыю Беларусі. Унучка полацкага князя Усяслава, якая “яко луча солнечная” прасвятліла зямлю Полацкую. Адна з самых адукаваных жанчын свайго часу, святая патранеса Беларусі, Еўфрасіння Полацкая яшчэ на заранку беларускай гісторыі прызнала вялікую ролю асветы і аддала ёй усе свае здольнасці і жыццёвыя сілы.

Частка перапісаных ёю кніг легла ў аснову манастырскіх бібліятэк Полацкага княства, што пачыналі тады толькі фарміравацца. Вялікі размах пашырэнню пісьмовага слова надала Еўфрасіння Полацкая, калі заснавала жаночы, а потым і мужчынскі манастыр, дзе былі адчынены скрыпторыі – майстэрні па перапісванні кніг. Запаветнай марай асветніцы была педагагічная праца, адукацыя народа, навучанне простых людзей грамаце, стварэнне вучылішчаў і школ. Яна клапацілася таксама аб развіцці дойлідства. Па яе заказе мясцовы дойлід Іаан у 50-я гады XII ст. збудаваў у Полацку за трыццаць тыдняў царкву Святога Спаса – вяршыню полацкай архітэктурнай школы.

На выстаўцы прадстаўлены выданні аб жыцці і культурна-асветніцкай дзейнасці прападобнай Еўфрасінні Полацкай, юбілейныя выданні мінулых гадоў, навуковыя даследаванні, факсіміле аднаго з найстаражытнейшых помнікаў сярэдневяковай агіяграфіі на ўсходнеславянскіх землях – “Жития блаженной Евфросинии”, складзенага ў канцы XII ст., у якім ўпершыню апублікаваны тэкст рукапісу Жыція XVI ст. з навуковымі каментарамі і перакладам на тры мовы. Выданне было падрыхтавана па ініцыятыве і з удзелам Нацыянальнай бібліятэкі Беларусі.

Асобнае месца ў экспазіцыі адведзена шэдэўру злотніцтва часоў Сярэдневякоўя – крыжу Еўфрасінні Полацкай – напрастольнаму рэлікварнаму крыжу, вырабленаму ў Полацку для царквы Святога Спаса таксама па заказе прападобнай ігуменні Еўфрасінні майстрам Лазарам Богшам у 1161 годзе.

Адзін з раздзелаў выстаўкі атрымаў назву “Духоўная спадчына Еўфрасінні Полацкай – дзецям”. Прадстаўленыя матэрыялы распавядаюць аб пераемнасці духоўнай спадчыны святой апякункі Беларусі.

Jeufrasinnia-4.jpg

Экспазіцыя размешчана на 2-м паверсе кальцавога калідора.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 29 80.

Матэрыял пададзены аддзелам галерэйна-выставачнай дзейнасці.

Навіны

Метадычны семінар для бібліятэкараў устаноў агульнай сярэдняй адукацыі

30 Ліс 2022

29 лістапада на базе Нацыянальнай бібліятэкі адбыўся семінар для бібліятэкараў устаноў агульнай сярэдняй адукацыі Мінскага раёна па тэме “Інфармацыйна-бібліятэчнае суправаджэнне адукацыйнага працэсу. Дзіцячае чытанне – шлях да творчасці і поспеху: новыя магчымасці сацыялізацыі і бібліятэрапіі ў школьнай бібліятэцы”.

Навіны Нацыянальнай бібліятэкі Беларусі

Электронная калекцыя твораў беларускіх пісьменнікаў на ўзбекскай мове перададзена ў Нацыянальную бібліятэку

29 Ліс 2022

28 лістапада ў Доме дружбы ў рамках круглага стала “Узбекістан – Беларусь: дружба, правераная часам” дырэктар Цэнтра народнай дыпламатыі Шанхайскай арганізацыі супрацоўніцтва Кабілжон Сабіраў перадаў Нацыянальнай бібліятэцы Беларусі электронную калекцыю твораў беларускіх пісьменнікаў з фондаў Нацыянальнай бібліятэкі Узбекістана імя Алішэра Наваі.

Навіны Нацыянальнай бібліятэкі Беларусі

У бібліятэцы абмеркавалі патрыятычнае выхаванне беларусаў

29 Ліс 2022

29 лістапада ў Нацыянальнай бібліятэцы прайшло пасяджэнне Рэспубліканскага міжведамаснага каардынацыйнага савета па патрыятычным выхаванні насельніцтва Рэспублікі Беларусь пад старшынствам намесніка кіраўніка Адміністрацыі Прэзідэнта Рэспублікі Беларусь Ігара Луцкага.

Навіны Нацыянальнай бібліятэкі Беларусі

Канферэнцыя “Віцебскі край”, прысвечаная Году гістарычнай памяці

29 Ліс 2022

24 лістапада ў Віцебскай абласной бібліятэцы імя У.І. Леніна адбылася VІІІ навукова-практычная канферэнцыя “Віцебскі край”, прысвечаная Году гістарычнай памяці.

Навіны Нацыянальнай бібліятэкі Беларусі

Бібліятэкарам