ГалоўнаяНавіныКніжныя выстаўкі
У бібліятэцы абмеркавалі значнасць чытання для беларусаў (+відэа)
Дзе Якуб Колас сустрэўся з ваўком і чаму дзядзька Антось быў самотны

“Боская камедыя” Дантэ: да 700-годдзя стварэння паэмы

“Боская камедыя” Дантэ: да 700-годдзя стварэння паэмы
Іншыя навіны

4 лістапада ў музеі кнігі пачне працу выстава “«Боская камедыя» Дантэ”, прымеркаваная да 700-годдзя сусветнага паэтычнага шэдэўра, створанага Дантэ Аліг’еры.

“La commedia” (1307−1321), вядомая нам цяпер як “Боская камедыя”, – манументальная эпічная праца, сапраўдная паэтычная энцыклапедыя навуковых, палітычных, маральна-філасофскіх і багаслоўскіх ведаў эпохі Ранняга Адраджэння. Менавіта гэты твор Дантэ стаў вяршыняй яго літаратурнай дзейнасці. Паэма складаецца з трох частак: “Пекла”, “Чысцец”, “Рай” і ўключае 100 песень.

На выставе “«Боская камедыя» Дантэ” ўвага нададзена рарытэтным ілюстраваным выданням паэмы з фондаў Нацыянальнай бібліятэкі Беларусі.

Сярод экспанатаў − каштоўнае факсімільнае выданне, якое дакладна ўзнаўляе першы рукапісны спіс паэмы (1330), аздоблены каляровымі мініяцюрамі.

У экспазіцыі таксама будзе прадстаўлены адзін з першых ілюстраваных першадрукаў твора (1481), які пабачыў свет у родным горадзе паэта – Фларэнцыі. Гравюры да выдання выкананы паводле прац вядомага італьянскага мастака эпохі Адраджэння – Сандра Бацічэлі.

Можна будзе пабачыць шэдэўр кніжнай графікі ХІХ ст. – цыкл гравюр (1861) французскага майстра Гюстава Дарэ да першай часткі паэмы “Пекла”, а таксама іншыя прыклады мастацкага асэнсавання бессмяротнага твора.


Выстава будзе працаваць у музеі кнігі (пам. 347) да 16 студзеня 2022 г.
Дата яе завяршэння можа быць зменена.

Час работы выставы адпавядае рэжыму работы музея кнігі.
Уваход – па чытацкім білеце або білеце сацыякультурнага цэнтра.

Матэрыял пададзены навукова-даследчым аддзелам кнігазнаўства.

Навіны

Метадычны семінар для бібліятэкараў устаноў агульнай сярэдняй адукацыі

30 Ліс 2022

29 лістапада на базе Нацыянальнай бібліятэкі адбыўся семінар для бібліятэкараў устаноў агульнай сярэдняй адукацыі Мінскага раёна па тэме “Інфармацыйна-бібліятэчнае суправаджэнне адукацыйнага працэсу. Дзіцячае чытанне – шлях да творчасці і поспеху: новыя магчымасці сацыялізацыі і бібліятэрапіі ў школьнай бібліятэцы”.

Навіны Нацыянальнай бібліятэкі Беларусі

Электронная калекцыя твораў беларускіх пісьменнікаў на ўзбекскай мове перададзена ў Нацыянальную бібліятэку

29 Ліс 2022

28 лістапада ў Доме дружбы ў рамках круглага стала “Узбекістан – Беларусь: дружба, правераная часам” дырэктар Цэнтра народнай дыпламатыі Шанхайскай арганізацыі супрацоўніцтва Кабілжон Сабіраў перадаў Нацыянальнай бібліятэцы Беларусі электронную калекцыю твораў беларускіх пісьменнікаў з фондаў Нацыянальнай бібліятэкі Узбекістана імя Алішэра Наваі.

Навіны Нацыянальнай бібліятэкі Беларусі

У бібліятэцы абмеркавалі патрыятычнае выхаванне беларусаў

29 Ліс 2022

29 лістапада ў Нацыянальнай бібліятэцы прайшло пасяджэнне Рэспубліканскага міжведамаснага каардынацыйнага савета па патрыятычным выхаванні насельніцтва Рэспублікі Беларусь пад старшынствам намесніка кіраўніка Адміністрацыі Прэзідэнта Рэспублікі Беларусь Ігара Луцкага.

Навіны Нацыянальнай бібліятэкі Беларусі

Канферэнцыя “Віцебскі край”, прысвечаная Году гістарычнай памяці

29 Ліс 2022

24 лістапада ў Віцебскай абласной бібліятэцы імя У.І. Леніна адбылася VІІІ навукова-практычная канферэнцыя “Віцебскі край”, прысвечаная Году гістарычнай памяці.

Навіны Нацыянальнай бібліятэкі Беларусі

Бібліятэкарам