З 31 мая па 3 ліпеня ў аддзеле абслугоўвання афіцыйнымі дакументамі (пам. 207) адкрыта выстаўка “Дзецям свету – шчаслівае дзяцінства!”, прысвечаная Міжнароднаму дню абароны дзяцей.
Дзень абароны дзяцей, які штогод адзначаецца 1 чэрвеня, – адно з найстарэйшых міжнародных свят. Рашэнне аб яго правядзенні было прынята Міжнароднай дэмакратычнай федэрацыяй жанчын на спецыяльнай сесіі ў лістападзе 1949 г.
Ён задумваўся не проста як свята, але і як дзень, які дапаможа звярнуць увагу грамадскасці на праблемы і цяжкасці, якія акружаюць дзяцей у сучасным грамадстве. Гэты Дзень перш за ўсё – напамін дарослым пра неабходнасць захавання праў дзяцей на жыццё, на свабоду меркавання і веравызнання, на адукацыю, адпачынак і вольны час, на абарону ад фізічнага і псіхалагічнага насілля.
ААН падтрымала ініцыятыву правядзення гэтага свята і абвясціла абарону праў, жыцця і здароўя дзяцей адным з прыярытэтных напрамкаў сваёй дзейнасці. У 1959 г. Генеральная Асамблея ААН прыняла Дэкларацыю праў дзіцяці, а ў 1989 г. – Канвенцыю аб правах дзіцяці, у якія ўвайшлі артыкулы, што заклікаюць бацькоў, дзяржаўныя органы, мясцовыя ўлады і ўрады, няўрадавыя арганізацыі прызнаць названыя ў іх правы і свабоды дзяцей і імкнуцца да іх захавання.
Дзеці складаюць прыкладна 20–25% насельніцтва ў кожнай краіне. Яны з’яўляюцца самымі неабароненымі людзьмі на планеце, таму ім неабходны сталы клопат і абарона. У многіх краінах свету ў дзяцей няма элементарных умоў для нармальнага жыцця, яны галадаюць, хварэюць, жывуць у антысанітарных умовах, схільныя да хвароб, не маюць доступу да адукацыі, не могуць выказваць сваё меркаванне. У свеце, не дажыўшы да ўзросту пяці гадоў, штогод паміраюць каля адзінаццаці мільёнаў дзяцей, многія набываюць пажыццёвыя калецтвы, становяцца разумова адсталымі. Самае страшнае ў гэтай сітуацыі тое, што гэтыя маркотныя наступствы часта з’яўляюцца вынікам беднасці, насілля, дыскрымінацыі, часамі да смерці прыводзяць нават самыя простыя захворванні, якія лёгка і хутка лечацца ў развітых краінах, але ў краінах трэцяга свету яны становяцца смяротна небяспечнымі.
Усведамляючы ўсю значнасць праблемы, пад эгідай ААН у 1946 г. быў створаны Дзіцячы фонд ААН (ЮНІСЕФ) – вядучая міжнародная арганізацыя, якая абараняе правы дзяцей ва ўсім свеце. ЮНІСЕФ ажыццяўляе праграмы, накіраваныя на захаванне здароўя і паўнавартаснае развіццё кожнага дзіцяці, змагаецца супраць дыскрымінацыі, праводзіць дабрачынныя акцыі і інфармацыйныя кампаніі, дапамагае дзецям і сем’ям, якія сталі ахвярамі надзвычайных сітуацый і прыродных катаклізмаў.
У Рэспубліцы Беларусь ахова дзяцінства – адзін з прыярытэтных напрамкаў дзейнасці дзяржавы. У нашай краіне колькасць дзяцей ва ўзросце да 18 гадоў на пачатак 2011 г. склала 1737,4 тыс. чалавек.
Правы і законныя інтарэсы маленькіх грамадзян Беларусі замацаваны ў Канстытуцыі Рэспублікі Беларусь, Кодэксе Рэспублікі Беларусь аб шлюбе і сям’і, Законе Рэспублікі Беларусь "Аб правах дзіцяці" і ў іншых заканадаўчых і нарматыўных прававых актах. З гэтымі дакументамі можна азнаёміцца на прапанаванай выстаўцы.
У экспазіцыі таксама прадстаўлена звыш 100 дакументаў міжнародных арганізацый (ААН, ЮНІСЕФ, Савета Еўропы, Еўрапейскага саюза і інш.) на рускай і англійскай мовах: кнігі, перыядычныя выданні, мімеаграфаваныя матэрыялы ААН, брашуры, буклеты.
Выстаўка складаецца з наступных раздзелаў:
Нацыянальныя і міжнародныя прававыя дакументы па абароне праў дзіцяці;
- Абарона праў і інтарэсаў дзяцей у Рэспубліцы Беларусь.
- Садзейнічанне здароваму ладу жыцця дзяцей.
- Забеспячэнне якаснай адукацыі для кожнага дзіцяці.
- Абарона дзяцей ад жорсткага абыходжання, эксплуатацыі і насілля.
Выстаўка прызначана для педагогаў, юрыстаў, сацыёлагаў, работнікаў сферы адукацыі, аховы здароўя і культуры, а таксама ўсіх, хто нераўнадушны да будучыні нашых дзяцей.
Карысныя спасылкі
- Дзіцячы фонд ААН (ЮНІСЕФ)
- ЮНІСЕФ і "Скажы дзецям «Да»"
- ЮНІСЕФ і Сусветны рух у інтарэсах дзяцей
- Даследчы цэнтр "Іначэнці"
- ЮНІСЕФ у Беларусі
- Камітэт па правах дзіцяці
- Міжнародная праграма па скасаванні дзіцячай працы
- Развіццё дзяцей
- Здароўе дзяцей
- Жорсткае абыходжанне з дзецьмі
- Дапамога дзецям
- Мэта 2 ЦРТ: Забеспячэнне ўсеагульнай пачатковай адукацыі
- Мэта 4 ЦРТ: Скарачэнне дзіцячай смяротнасці
- Спецыяльная сесія Генеральнай Асамблеі ААН па становішчы дзяцей (Нью-Ёрк, 8–10 мая 2002 г.)
- Сусветная сустрэча на найвышэйшым узроўні ў інтарэсах дзяцей (Нью-Ёрк, 29–30 верасня 1990 г.)
- ААН працуе ў інтарэсах дзяцей
- Забяспечым будучыню, выступаючы ў абарону дзяцей
- Правы дзяцей
- Дзеці і ўзброеныя канфлікты
- Беларускі дзіцячы фонд
Дакументы
- Дэкларацыя ўдзельнікаў урачыстага пленарнага пасяджэння высокага ўзроўню, прысвечанага разгляду наступных мер па выкананні рашэнняў спецыяльнай сесіі па становішчы дзяцей (13 снежня 2007 г.)
- Кіруючыя прынцыпы, якія датычацца правасуддзя ў пытаннях, звязаных з удзелам дзяцей – ахвяр і сведак злачынстваў (22 ліпеня 2005 г.)
- Дэкларацыя і план дзеянняў "Свет, прыдатны для жыцця дзяцей" (10 мая 2002 г.)
- Факультатыўны пратакол да Канвенцыі аб правах дзіцяці, які датычыцца ўдзелу дзяцей ва ўзброеных канфліктах (25 мая 2000 г.)
- Факультатыўны пратакол да Канвенцыі аб правах дзіцяці, які датычыцца гандлю дзецьмі, дзіцячай прастытуцыі і дзіцячай парнаграфіі (25 мая 2000 г.)
- Канвенцыя аб забароне і неадкладных мерах па выкараненні найгоршых форм дзіцячай працы (Канвенцыя 182, 1 чэрвеня 1999 г.)
- Правілы ААН, якія датычацца абароны непаўналетніх, пазбаўленых свабоды (14 снежня 1990 г.)
- Канвенцыя аб правах дзіцяці (20 лістапада 1989 г.)
- Дэкларацыя аб сацыяльных і прававых прынцыпах, якія датычацца абароны і дабрабыту дзяцей, асабліва пры перадачы дзяцей на выхаванне і іх усынаўленні на нацыянальным і міжнародным узроўнях (3 снежня 1986 г.)
- Мінімальныя стандартныя правілы ААН, якія датычацца адпраўлення правасуддзя ў адносінах да непаўналетніх ("Пекінскія правілы") (29 лістапада 1985 г.)
- Дэкларацыя праў дзіцяці (20 лістапада 1959 г.)
Кантактны тэлефон: (8 017) 293 27 34.