З 5 лістапада па 13 снежня ў зале выяўленчых і відэадакументаў (пам. 307) праходзіць выстаўка “Кастрычнік у выяўленчым мастацтве: паштоўкі, плакаты, рэпрадукцыі з фондаў Нацыянальнай бібліятэкі Беларусі”.
У першыя рэвалюцыйныя гады ў Расіі галоўную ролю адыгрывалі аператыўныя і палітызаваныя віды мастацтва – палітычныя плакаты, паштоўкі і іншыя мастацкія формы агітацыі. Менавіта ў такіх масавых формах мастацкай творчасці перш за ўсё праявіліся характэрныя прыметы часу. Не разлічаныя на доўгачасовае існаванне, яны ўзнікалі разам з хутка зменлівымі падзеямі і таксама хутка адміралі, замяняючыся іншымі прыёмамі мастацкага ўздзеяння на масы. І калі для сучаснікаў падзеі гісторыі часта цяжкія і нецікавыя, то ў перспектыве яны набываюць значнасць.
На выстаўцы прадстаўлена звыш 100 дакументаў. Гэта альбомы, рэпрадукцыі, паштоўкі і плакаты, прысвечаныя падзеям кастрычніка 1917 года..
Экспазіцыя разлічана на ўсе катэгорыі чытачоў, якія цікавяцца гісторыяй савецкага жывапісу і графікі.
Контактный телефон: 293-27-58.