16 кастрычніка а 17-й гадзіне ўвазе наведвальнікаў прапануецца кніжная выстаўка "Пейзаж ў выяўленчым мастацтве".
Выстаўка ўключае каля 150 дакументаў, сярод якіх кнігі, энцыклапедыі, мастацкія альбомы, рэпрадукцыі, календары. У матэрыялах выставы адлюстравана развіццё пейзажнага жывапісу як самастойнага жанру ў перыяд ад ранняга сярэднявечча да нашага часу. Багаты ілюстрацыйны матэрыял, які суправаджае экспазіцыю, дае наглядае ўяўленне аб індывідуальнай манеры некаторых мастакоў-пейзажыстаў, дапамагае зразумець і асэнсаваць іх творчую спадчыну.
Экспазіцыя ўключае такія значныя працы, як надрукаваная ў 1912 - 1917 гг. "Гісторыя жывапісу ўсіх часоў і народаў" яскравага мастака і тэатральнага дзеяча А.М.Бенуа, упершыню перакладзеную на рускую мову працу вядомага англійскага навукоўца-мастацтвазнаўца Кларка Кенета "Пейзаж у мастацтве", аповяды аб мастаках "Майстры і шэдэўры" у 6-ці тамах адоранага жывапісца Ігара Даўгаполава .
Перад чытачом паўстае галерэя вялікіх майстроў мінулага і сучаснасці. Даследаванні выдатных гісторыкаў і мастацтвазнаўцаў прадстаўляюць шырокую панараму развіцця рускага пейзажу (XII - XX стст.), альбомы знаёмяць з жыццём і творчасцю выдатных ангельскіх, французскіх, італьянскіх, галандскіх, нідэрландскіх жывапісцаў.
Раздзел экспазіцыі, прысвечаны беларускаму пейзажнаму жывапісу, уключае матэрыялы аб жыцці і творчасці У.К.Бялыніцкага-Бірулі, У.Цвірко, майстра архітэктурнага пейзажу Н. Орды, М.Дучыца, А.Бархаткава, П.Масленікава, Я. Батальонка, А.Драбышэўскага і іншых мастакоў.
На выстаўцы прадстаўлены матэрыялы, прысвечаныя марскому пейзажу. У экспазіцыі размешчаны энцыклапедыі, што змяшчаюць звесткі аб мастаках-марыністах розных краін і эпох. Значнае месца ў іх адведзена рускім мастакам, якія ўнеслі вялікі ўклад у развіццё жанру марыны як часткі рускага нацыянальнага пейзажнага жывапісу.
У апошнім раздзеле выстаўкі сабраны вучэбныя дапаможнікя, якія раскрываюць сакрэты маляўнічай граматы. Мастакі-пачаткоўцы могуць азнаёміцца з асновамі тэорыі і практыкі малюнка пейзажу, прасачыць усе этапы працы ад папярэдніх накідаў да скончанага твора
Выстаўка размешчана на 2-м паверсе кальцавага калідора (поруч галерэі "Ракурс")
Кантактны тэлефон 293-28-86