ГалоўнаяНавіныКніжныя выстаўкі
“Я сэрцам бачу”: вызначаны пераможцы фотапраекта
Уганараваны лаўрэаты прэміі “Празрысты ЭОЛ”

Кодэкс Напалеона: яго мінулае і будучыня

Кодэкс Напалеона: яго мінулае і будучыня
Іншыя навіны

З 26 сакавіка па 27 мая ў зале прававой інфармацыі (пам. 207b) адкрыта тэматычная выстаўка “Кодэкс Напалеона: яго мінулае і будучыня”, прымеркаваная да 215-годдзя прыняцця Грамадзянскага кодэкса Францыі.

У 1804 г. уступіў у сілу Грамадзянскі кодэкс Францыі, дзеючы і дагэтуль. Кодэксу наканавана было распаўсюдзіцца далёка за межамі Францыі і аказаць уплыў на фарміраванне грамадзянскага права многіх краін свету. Звод законаў быў распрацаваны пад непасрэдным кіраўніцтвам Напалеона I. Да прыняцця кодэкса Францыя была фактычна пазбаўлена адзінага грамадзянскага заканадаўства: у паўднёвых раёнах пераважала рымскае права, на поўначы – звычайнае права. Стварэнне адзінага зводу грамадзянскіх правоў было абвешчана адной з найпершых задач Вялікай французскай рэвалюцыі. Першы консул таксама ўдзельнічаў у яго падрыхтоўцы. Дзяржсавет абмяркоўваў праект кодэкса на 102 пасяджэннях, і па меншай меры на 57 з іх старшынстваваў і прымаў актыўны ўдзел Напалеон. Праект быў падрыхтаваны за 4 месяцы і накіраваны на водгук вышэйшым судам. У 1807 г. збор законаў атрымаў афіцыйную назву “Кодэкс Напалеона”.

Грамадзянскі кодэкс Францыі адкрыў у сферы сусветнай юрыспрудэнцыі эпоху Новага часу. Ідэі свабоды, роўнасці і братэрства ён пераклаў на мову прававых адносін. Ліквідаваліся саслоўі і прывілеі па праве нараджэння, прызнаваліся роўныя грамадзянскія правы за мужчынамі і жанчынамі, забяспечвалася абарона ўсіх відаў уласнасці ад знешніх замахаў, забаранялася грашовае ліхвярства. Грамадзянскі кодэкс увёў цэлы шэраг наватарскіх змен у акты грамадзянскага стану і працоўнага права. Велізарны па аб’ёме юрыдычны акт налічваў 2 281 артыкул і быў падзелены на тры кнігі.

Кодэкс Напалеона за высокія прававыя годнасці стаў узорам для заканадаўцаў многіх краін. Ён быў уведзены ў дзеянне ў калоніях Францыі. Прынялі гэты звод законаў і дзяржавы, саюзныя Францыі, і залежныя ад яе (Італія, Бельгія, Германія, Нідэрланды і інш.) Некаторыя краіны, якія не належалі да раманскай прававой сістэмы (Егіпет і Асманская імперыя), таксама ўзялі за ўзор французскі кодэкс. У Расійскай імперыі цэлае стагоддзе ён дзейнічаў на тэрыторыі Царства Польскага. Знакаміты рэфарматар М. Спяранскі запазычыў некаторыя яго нормы пры складанні праекта Грамадзянскага ўлажэння 1809 г.

Больш чым праз два стагоддзі пасля прыняцця Кодэкс Напалеона не толькі працягвае аказваць уплыў на прававыя сістэмы дзяржаў, але і служыць генератарам новых палітыка-прававых ідэй і канцэпцый. Ён даўно перарос межы права і стаў здабыткам гісторыі і культуры агульнасусветнага значэння.

Экспазіцыя налічвае больш за 60 дакументаў: кнігі, брашуры, перыядычныя выданні, аўтарэфераты дысертацый на рускай і французскай мовах.

Выстаўка прызначана для навуковых работнікаў, выкладчыкаў, аспірантаў і студэнтаў юрыдычных і гістарычных факультэтаў, таксама будзе карысная і тым, хто мае дачыненне да сферы культурна-эканамічнага і навуковага супрацоўніцтва з Францыяй.

Выстаўка ўключае наступныя тэматычныя раздзелы:

  • Напалеон на ніве грамадзянскага правазнаўства і заканадаўства
  • Уплыў Кодэкса Напалеона 1804 г. на развіццё грамадзянскага права еўрапейскіх краін
  • Асноўныя інстытуты Грамадзянскага кодэкса Францыі 1804 г.
  • Грамадзянскі кодэкс Напалеона ў гістарычным і сучасным аспектах

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Спіс літаратуры

Тэлефон для даведак: (8 017) 293 27 28.

Матэрыял прадастаўлены аддзелам абслугоўвання афіцыйнымі дакументамі.


Навіны

Супрацоўнік Нацыянальнай бібліятэкі ўзяў удзел у перадачы тэлеканала “Россия 1”

12 Жні 2020

Андрэй Бараноўскі, галоўны бібліёграф НІА бібліяграфіі Нацыянальнай бібліятэкі Беларусі, гісторык-краязнаўца, аўтар кнігі “Лепельское пехотное училище”, узяў удзел у тэлевізійнай перадачы тэлеканала “Россия 1” з цыкла “Память огненных лет”.

Навіны Нацыянальнай бібліятэкі Беларусі

11 Жні 2020

Паступовыя змены ў жыцці грамадства пэўным чынам адбіваюцца і на перакананнях, на думках пісьменнікаў, асабліва тых, якія ствараюць на працягу некалькіх дзесяцігоддзяў. З Міколам Чарняўскім, празаікам, паэтам, публіцыстам, аўтарам шматлікіх твораў для дзяцей, паразмаўлялі пра бачанне мінулага і сучаснасці, а таксама пра спадзяванні ды будучыню.

Навіны бібліятэк

10 Жні 2020

Знакаміты беларускі навуковец Гаўрыла Гарэцкі нарадзіўся 10 красавіка 1900 года ў вёсцы Малая Багацькаўка Мсціслаўскага павета ў сям’і Івана і Еўфрасінні Гарэцкіх. У нашай гісторыі ён вядомы як геолаг, географ, эканаміст, адзін з заснавальнікаў і акадэмік Беларускай акадэміі навук, дырэктар Беларускага навукова-даследчага інстытуту сельскай і лясной гаспадаркі, заслужаны дзеяч навукі Беларусі. З яго сям’і выйшаў і вядомы беларускі пісьменнік Максім Гарэцкі – старэйшы брат Гаўрылы.

Навіны бібліятэк

Фонды яшчэ 37 бібліятэчных устаноў можна ўбачыць у Зводным электронным каталогу бібліятэк Беларусі

7 Жні 2020

68 тысяч бібліяграфічных запісаў на дакументы, якія захоўваюцца ў бібліятэках Шклоўскага і Крычаўскага раёнаў, папоўнілі рэгіянальны блок ЗЭК бібліятэк Беларусі – РЗЭК бібліятэк Магілёўскай вобласці.

Навіны Нацыянальнай бібліятэкі Беларусі

6 жніўня – дзень нараджэння беларускай друкаванай кнігі

6 Жні 2020

Беларускі першадрукар Францыск Скарына пачаў выдавецкую дзейнасць у 1517 годзе ў Празе. Першай кнігай стаў Псалтыр, у якім была пазначана дата завяршэння. Дзякуючы гэтаму мы ведаем не толькі год, а нават дзень нараджэння беларускай друкаванай кнігі – 6 жніўня 1517 года.

Навіны Нацыянальнай бібліятэкі Беларусі

111