З 5 мая па 27 чэрвеня ў зале перыядычных выданняў (пам. 106) праходзіць тэматычная выстава “Мая любімая дача”.
З ранняй вясны надыходзіць дачны сезон, які доўжыцца да самай позняй восені. Для адных дача – гэта летні адпачынак і паходы ў лес за грыбамі, для іншых – пасадкі і збор ураджаю, для трэціх – пастаяннае месца пражывання ўдалечыні ад мітусні мегаполісаў.
Да працы на загарадных участках старанна рыхтавацца пачынаюць загадзя. Прадстаўленыя ў экспазіцыі матэрыялы падрабязна раскажуць, як правільна выбраць угнаенні, вырасціць расаду, змагацца з хваробамі і шкоднікамі раслін. Шматлікія рэкамендацыі сабраны ў часопісах “1 000 советов дачнику”, “Урожайные сотки”, “Садовод и огородник”.
Якія працы праводзіць у маі-чэрвені ў садзе і агародзе? Эксперты – аграномы, біёлагі, ландшафтныя дызайнеры, садаводы з вялікім вопытам – падзеляцца парадамі ў публікацыях з перыядычных выданняў “Приусадебное хозяйство”, “Сад, огород – кормилец и лекарь”, “Дом & Сад”.
Як сваімі рукамі акультурыць садовыя ўчасткі? Зрабіць цяпліцу ў агародзе, дэкаратыўны плот ці нават вадаём? Пра гэта раскажуць часопісы “Хозяин”, “Садовый дизайн”, “Поделись советом”. Нямала рэкамендацый можна знайсці па кветаводству, пчалярстве, свойскай жывёлагадоўлі.
Дадаткова на выставе прадстаўлены зразумелы і патрэбны ўсім дачнікам месячны каляндар садавода і агародніка на 2022 год.
Усяго экспазіцыя налічвае каля 30 перыядычных выданняў.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 25 87.
Матэрыял пададзены аддзелам абслугоўвання спецыялізаванымі фондамі.
