З 7 лютага па 13 сакавіка ў зале дакументаў міжнародных арганізацый (пам. 207g) адкрыта кніжная выстаўка “Міжканфесійная талерантнасць і згода – фактар стабільнасці сучаснага грамадства”.
Выстаўка прысвечана Сусветнаму тыдню гарманічных міжканфесійных адносін.
Прызнаючы пільную неабходнасць дыялогу паміж рознымі канфесіямі і рэлігіямі ў справе ўмацавання ўзаемаразумення, згоды і супрацоўніцтва паміж народамі, Генеральная Асамблея ААН прыняла рэзалюцыю 65/5 ад 20 кастрычніка 2010 г. аб Сусветным тыдні гарманічных міжканфесійных адносін (World Interfaith Harmony Week). Гэты тыдзень сусветнае супольніцтва ўпершыню правяло з 1 па 7 лютага 2011 г. У далейшым было вырашана адзначаць яго ў першы тыдзень лютага кожнага года.
У рамках фарміравання культуры міру і ненасілля ААН надае значную ўвагу праблемам падтрымання міжрэлігійнага дыялогу і ўзаемаразумення. Крокі да міжканфесійнай гармоніі ўжо прадпрымаюцца ва ўсім свеце. ААН высока ацэньвае значнасць глабальных, рэгіянальных і субрэгіянальных ініцыятыў, накіраваных на дасягненне ўзаемаразумення паміж прадстаўнікамі розных веравызнанняў. У іх лік уваходзяць Трохбаковы форум па міжканфесійным супрацоўніцтве ў імя міру і праект “Агульная справа”. У 2011 г. у праграму Сусветнага тыдня былі ўключаны некалькі мерапрыемстваў падобнай скіраванасці; цэнтральным з іх стала дыскусія “Роля рэлігійных арганізацый і міжканфесійных ініцыятыў у галіне развіцця, прымірэння і мірабудаўніцтва”.
Правядзенне Сусветнага тыдня гарманічных міжканфесійных адносін дае магчымасць прыцягнуць увагу ўсяго свету да намаганняў, якія прадпрымаюць рэлігійныя лідары, міжканфесійныя рухі і асобныя людзі ва ўсім свеце з мэтай садзейнічаць узаемнай павазе і разуменню паміж паслядоўнікамі розных веравызнанняў і канфесій. Абвясціўшы гэты Тыдзень, Генеральная Асамблея Арганізацыі Аб’яднаных Нацый заклікала ўсе дзяржавы на працягу першага тыдня лютага распаўсюджваць “ідэі міжканфесійнай гармоніі і добрай волі ў цэрквах, мячэцях, сінагогах, храмах і іншых малітоўных дамах на аснове шанавання дабра і любові да бліжняга, у залежнасці ад уласных рэлігійных традыцый або перакананняў”.
У кантэксце Тыдня ва ўсім свеце будуць праводзіцца самыя разнастайныя мерапрыемствы. У іх лік будуць уваходзіць, у прыватнасці, сняданкі з удзелам прадстаўнікоў розных канфесій, дэманстрацыя фільмаў і перагаворы, у якіх актыўны ўдзел прымуць прадстаўнікі грамадзянскай супольнасці, падраздзяленні Арганізацыі Аб’яднаных Нацый і іншыя міжурадавыя арганізацыі. Сярод арганізатараў міжканфесійных мерапрыемстваў будуць прадстаўлены самыя розныя рэлігійныя арганізацыі: хрысціянскія, ісламскія, будысцкія, індуісцкія, а таксама новыя рэлігійныя рухі.
У дакументах, экспануемых на выстаўцы, разглядаюцца праблемы і пагрозы, якія нясе рэлігійная нецярпімасць чалавецтву, і прапаноўваюцца розныя шляхі, метады і праграмы, накіраваныя на барацьбу супраць рэлігійнага экстрэмізму, насілля і нецярпімасці. Падкрэсліваецца важная роля ўрадаў розных краін свету, няўрадавых і міжнародных арганізацый ва ўкараненні ў жыцці сусветнага супольніцтва культуры міру, міжканфесійнай гармоніі, плюралізму, узаемнай павагі і мірнага суіснавання.
На выстаўцы прадстаўлена звыш 60 дакументаў міжнародных арганізацый (ААН, ЮНЕСКА, Еўрапейскага саюза і інш.) на рускай, англійскай і нямецкай мовах: кнігі, перыядычныя выданні, мімеаграфаваныя матэрыялы ААН (мастхед), брашуры, буклеты.
Экспазіцыя ўключае наступныя тэматычныя раздзелы:
- Міжканфесійная талерантнасць – фактар стабільнасці грамадства.
- Выхаванне ў духу рэлігійнай цярпімасці.
- Дыялог паміж культурамі і дыялог паміж цывілізацыямі – талерантнасць у рашэнні палітычных і сацыяльных канфліктаў.
- Культура міру.
Выстаўка будзе карыснай шырокаму кругу чытачоў, якія цікавяцца культурай міру, культурнай разнастайнасцю, праблемамі сучасных міжканфесійных адносін, пытаннямі талерантнасці ў духоўнай, сацыякультурнай і рэлігійнай сферах.
Кантактны тэлефон: (8 017) 293 27 34.
Карысныя спасылкі
- Сусветны тыдзень гарманічных міжканфесіянальных адносін
- Альянс цывілізацый
- Дыялог паміж цывілізацыямі і культура міру
- ААН і пытанне аб свабодзе рэлігіі або перакананняў
- Права на свабоду перакананняў і іх свабоднае выражэнне
Дакументы
Рэзалюцыі Генеральнай Асамблеі:
Даклады і нататкі Генеральнага сакратара:
Дэкларацыі, канвенцыі і пагадненні
- Астанінская дэкларацыя, прынятая ўдзельнікамі канферэнцыі міністраў па тэме "Агульны мір: прагрэс праз разнастайнасць" (Казахстан, 17 кастрычніка 2008 г.)
- Мадрыдская дэкларацыя, прынятая Сусветнай канферэнцыяй па дыялогу, якая была арганізавана Сусветнай мусульманскай лігай, у Мадрыдзе пад эгідай Захавальніка дзвюх свяшчэнных мячэцяў караля Абдалы ібн Абдуль Азіза аль Сауда (16–18 ліпеня 2008 г.)
- Пнампеньскі дыялог 2008 г. аб міжканфесіянальным супрацоўніцтве ў інтарэсах міру і згоды
- Дэкларацыя аб садзейнічанні дыялогу і ўзаемаразуменню паміж рэлігіямі і цывілізацыямі ("Ахрыд-2007")
- Дэкларацыя Другога з’езда сусветных і традыцыйных рэлігій (23–24 верасня 2006 г., Астана, Казахстан)
- Балійская дэкларацыя аб наладжванні гарманічных міжканфесійных адносін у рамках міжнароднага супольніцтва (21–22 ліпеня 2005 г., Балі, Інданезія)
- Глабальны парадак дня для дыялогу паміж цывілізацыямі (2001)
- Дэкларацыя аб культуры міру і праграма дзеянняў у галіне культуры міру (1999)
- Тэгеранская дэкларацыя аб дыялогу паміж цывілізацыямі, прынятая на Ісламскім сімпозіуме па дыялогу паміж цывілізацыямі (1999)
- Дэкларацыя прынцыпаў цярпімасці (1995)
- Стамбульская адозва, прынятая ўдзельнікамі Сімпозіума па пытанні аб цярпімасці (4–6 кастрычніка 1995 г., Стамбул, Турцыя)
- Дэкларацыя аб правах асоб, якія прыналежаць да нацыянальных або этнічных, рэлігійных і моўных меншасцей (1992)
- Дэкларацыя аб ліквідацыі ўсіх форм нецярпімасці і дыскрымінацыі на аснове рэлігіі або перакананняў (1981)