ГалоўнаяНавіныКніжныя выстаўкі
Новы сэнс трохбаковага супрацоўніцтва
“Адкрыты ўрок” для курсантаў ліцэя МУС

Міжнародная міграцыя і развіццё

Міжнародная міграцыя і развіццё
Іншыя навіны

З 18 снежня 2017 года па 10 студзеня 2018 года ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Міжнародная міграцыя і развіццё”, прысвечаная Міжнароднаму дню мігранта.


Гэты Дзень быў абвешчаны на 55-й сесіі Генеральнай асамблеі ААН 4 снежня 2000 года (рэзалюцыя 55/93) і з таго часу штогод адзначаецца 18 снежня. Дата выбрана не выпадкова – у гэты дзень у 1990 годзе Асамблея прыняла Міжнародную канвенцыю аб абароне праў усіх працоўных мігрантаў і членаў іх сем’яў (рэзалюцыя 45/158). Гэта канвенцыя стала ўсёабдымнай праграмай абароны праў мігрантаў (па стане на май 2017 года яе ратыфіцыравала 51 дзяржава).

Тэрмін “міграцыя” (ад лац. migratio) азначае перамяшчэнне або перасяленне. Насельніцтва планеты мігруе ў пошуках бяспекі, лепшых умоў жыцця і працы ўжо шмат сотняў гадоў. Апошнім часам назіраюцца самыя маштабныя за 70 гадоў перамяшчэнні насельніцтва цераз міжнародныя межы. Зацягнутыя канфлікты, парушэнні праў чалавека, эканамічныя ўзрушэнні, змяненне клімату і стыхійныя бедствы прымушаюць усё большую колькасць людзей пакідаць свае дамы. Агульная колькасць міжнародных мігрантаў павялічылася са 175 млн чалавек у 2000 годзе да 244 млн у 2015-м. Сёння ў свеце налічваецца каля 250 млн мігрантаў. Згодна з ацэнкамі экспертаў, кожны трыццаць пяты жыхар планеты – мігрант, які жыве і працуе за межамі сваёй краіны.

Непрадказальнасць, надзвычайнасць і складанасць задач, звязаных з працэсам міграцыі, патрабуюць зладжаных дзеянняў і супрацоўніцтва паміж рэгіёнамі і краінамі. Арганізацыя Аб’яднаных Нацый адыгрывае актыўную ролю ў гэтай галіне, спрыяючы пабудове дыялогу і ўзаемадзеяння паміж краінамі і рэгіёнамі, а таксама заахвочваючы абмен вопытам і пашырэнне магчымасцей у сферы супрацоўніцтва. У верасні 2006 года ААН упершыню правяла мерапрыемства, якое атрымала назву Дыялог на высокім узроўні па пытанні аб міжнароднай міграцыі і развіцці.

Гэтае мерапрыемства стала вызначальным момантам пры разглядзе дзяржавамі – членамі ААН шляхоў і сродкаў максімальна эфектыўнага выкарыстання пераваг міжнароднай міграцыі для развіцця і звядзення да мінімуму яе негатыўных наступстваў. Хоць у межах Дыялогу падкрэслівалася, што міжнародная міграцыя можа ўнесці ўклад у развіццё, усё ж было прызнана, што яна не з’яўляецца заменнікам развіцця. Мігранты нярэдка вымушаны шукаць працу за мяжой з-за галечы, канфліктаў або парушэнняў праў чалавека. Мір і бяспека, добрае кіраванне, вяршэнства права і годная праца ў краінах паходжання створыць сітуацыю, пры якой людзі мігруюць па сваім выбары, а не з-за неабходнасці. Удзельнікі дыялогу на высокім узроўні адзначылі, што міжнародная міграцыя павінна быць неад’емнай часткай парадку ў галіне развіцця і выступаць у якасці кампанента нацыянальных стратэгій у галіне развіцця.

У кастрычніку 2013 года адбыўся другі Дыялог на высокім узроўні па пытанні аб міжнароднай міграцыі і развіцці. Па яго выніках дзяржавы-члены прынялі дэкларацыю, якая асуджае акты, праяўленні і прыметы расізму, расавай дыскрымінацыі, ксенафобіі і звязанай з імі нецярпімасці ў дачыненні да мігрантаў.

У верасні 2016 года Генеральная асамблея ААН правяла пасяджэнне высокага ўзроўню, прысвечанае рашэнню пытанняў, звязаных з перамяшчэннем вялікіх груп бежанцаў і мігрантаў. Прынятыя на пасяджэнні абавязацельствы змяшчаюцца ў Нью-Ёркскай дэкларацыі. У ёй выяўляецца палітычная воля сусветных лідараў, накіраваная на выратаванне жыццяў, абарону праў чалавека і справядлівае размеркаванне адказнасці дзяржаў на глабальным узроўні.

Прапанаваная чытачам выстава налічвае каля 100 дакументаў. Большую частку экспазіцыі складаюць дакументы міжнародных арганізацый (ААН, МАМ, АБСЕ, МАП, Еўрапейскага саюза). Гэта кнігі, перыядычныя выданні, мімеаграфаваныя матэрыялы ААН на рускай, нямецкай і англійскай мовах:

Экспазіцыя ўключае наступныя тэматычныя раздзелы:

  • Міжнародная міграцыя і міграцыйнае права
  • Аб’ёмы і дынаміка міжнароднай міграцыі
  • Міграцыйная палітыка і супрацоўніцтва ў сферы міграцыі
  • Міжнародная працоўная міграцыя
  • Міграцыйныя працэсы ў Рэспубліцы Беларусь

Выстаўка будзе карысная спецыялістам у галіне міжнародных адносін, юрыстам, палітолагам, навуковым супрацоўнікам, выкладчыкам, студэнтам вышэйшых навучальных устаноў, а таксама ўсім, хто цікавіцца сучаснымі тэорыямі і праблемамі міграцыі.

Кантактны тэлефон: (8 017) 293 27 34.

Карысныя спасылкі

Дакументы

Спіс літаратуры

Навіны

Без панікі: чаму дзецям карысна чытаць страшныя гісторыі і як рабіць гэта правільна

20 Сту 2021

Дамы з прывідамі, жывыя мерцвякі, злавесныя праклёны... Змрочныя гісторыі заўсёды лічыліся больш прыдатнымі для старэйшай аўдыторыі, такое не варта даваць чытаць дзецям. І вельмі дарма: у страшылках значна больш карысці, чым эфемернай шкоды. Праўда, да іх – як і да ўсіх кніг – варта падыходзіць з розумам. Сёння мы паглядзім, як адкрыць для дзіцяці забаронены свет страшных гісторый і чаму гэта ў цэлым карысна.

Аўтарскі погляд

BelBookChallenge падаўжаецца да 6 сакавіка

18 Сту 2021

BelBookChallenge набірае абароты, а вы ніяк не можаце за ім угнацца?
Па шматлікіх просьбах удзельнікаў BelBookChallenge падаўжаецца яшчэ на месяц – да 6 сакавіка ўключна. Выдатны шанец нагнаць упушчанае або нават пачаць чэлендж! Чым не выклік самому сабе?

Блог прафесійнага чытача

Віртуальная прэзентацыя літаратурнай спадчыны Андрэя Александровіча

18 Сту 2021

22 студзеня ў межах праекта “На хвалі часу, у плыні жыцця” ў бібліятэцы адбудзецца мерапрыемства “Віртуальная прэзентацыя літаратурнай спадчыны Андрэя Александровіча” (1906–1963), прымеркаванае да 115-годдзя беларускага паэта, аднаго з заснавальнікаў літаратурнага аб’яднання “Маладняк”.

Да 100-годдзя літаб'яднання "Маладняк"

Вялікі талент, вялікая работа, вялікае сэрца

18 Сту 2021

З 18 студзеня па 29 красавіка ў кальцавым калідоры 2-га паверха арганізавана кніжна-ілюстрацыйная выстаўка, прысвечаная лаўрэатам прэміі “За духоўнае адраджэнне”, спецыяльнай прэміі Прэзідэнта Рэспублікі Беларусь дзеячам культуры і мастацтва, а таксама спецыяльнай прэміі Прэзідэнта Рэспублікі Беларусь “Беларускі спартыўны Алімп” за 2020 год.

Кніжныя выстаўкі

Выстава “З кніг Уладзіміра Караткевіча” працуе да канца студзеня

19 Сту 2021

Скарыстайцеся магчымасцю і наведайце незвычайную выставу, прысвечаную 90-годдзю з дня нараджэння Уладзіміра Караткевіча, якая дзейнічае ў музеі кнігі Нацыянальнай бібліятэкі Беларусі.

Навіны Нацыянальнай бібліятэкі Беларусі

#BelBookChallenge: кніга, дзе фігурыруе выбітная гістарычная постаць

16 Сту 2021

Часам вы берацеся за нейкую тэму, а ў ёй столькі цікавага, што вам даводзіцца ламаць галаву ў нерашучасці – якую з іх выбраць? І гэтая тэма не выключэнне. Вочы разбягаюцца ад колькасці кніг з гістарычнымі асобамі? Хочацца, каб яна была і пазнавальнай, і нестандартнай, але каб сярод герояў – людзі, знаёмыя кожнаму беларусу хоць бы па падручніках гісторыі? Не панікуйце! Прадстаўляем вам спіс з пяці выдатных кніг, якія ідэальна падыходзяць па тэме. Ад вядомай класікі да коміксаў па Караткевічу – ніхто не застанецца абыякавым!

Блог прафесійнага чытача

Бібліятэкарам
111