З 4 па 26 сакавіка запрашаем на выстаўку “Мой цудоўны агарод” у чытальнай зале аддзела міжбібліятэчнага абанемента і дастаўкі дакументаў (пам. 164).
Сад і агарод для гараджан быў і застаецца месцам, дзе можна з задавальненнем папрацаваць і адпачыць. Вырошчванне гародніны, садавіны, кветак – гэта не толькі змена прафесійнай дзейнасці, але і цудоўны адпачынак ад гарадской мітусні, які ўмацоўвае імунітэт і спрыяе аздараўленню арганізма.
Літаратура, прадстаўленая на выстаўцы “Мой цудоўны агарод”, будзе цікавая як пачынаючым, так і дасведчаным агароднікам, садоўнікам і кветкаводам.
На старонках кніг можна знайсці інфармацыю пра віды гародніны, кветак, ягадных кустоў і пладовых дрэў, якія найбольш часта вырошчваюцца на прысядзібных і дачных участках. А таксама карысныя парады па вырошчванні садавіны і гародніны, тэхніцы збору ўраджаю і яго захоўванні.
Час работы выстаўкі:
пн. – чц.: 10.00–19.00
пт.: 10.00–18.00
сб., ндз. – выхадны
Уваход – па чытацкім білеце або білеце сацыякультурнага цэнтра бібліятэкі.
Прадстаўленыя ў экспазіцыі кнігі можна замовіць праз электронны каталог Нацыянальнай бібліятэкі Беларусі.
Тэлефон для даведак: (8 017) 293 27 10.
Матэрыял пададзены аддзелам міжбібліятэчнага абанемента і дастаўкі дакументаў.
