З 1 па 30 кастрычніка запрашаем на выставу “Музыка ў нашых сэрцах” у чытальнай зале аддзела міжбібліятэчнага абанемента і дастаўкі дакументаў (пам. 164).
1 кастрычніка штогод ва ўсім свеце адзначаецца Міжнародны дзень музыкі. Гэта свята не толькі для спевакоў, музыкаў і кампазітараў, але і для ўсіх аматараў музыкі.
Музыка – найвялікшае вынаходніцтва чалавецтва, якое суправаджае грамадства з моманту яго зараджэння. Яна адлюстроўвае традыцыі і звычаі розных народаў. Мова мелодыі простая і зразумелая кожнаму. Музыка – яна паўсюль.
На кніжнай выставе “Музыка ў нашых сэрцах” прадстаўлена літаратура па гісторыі музыкі, выданні пра вядомых кампазітараў, выканаўцаў і розныя музычныя інструменты.
Час работы выстаўкі:
пн. – чц.: 10.00–19.00
пт.: 10.00–18.00
сб., ндз. – выхадны
Уваход – па чытацкім білеце або білеце сацыякультурнага цэнтра бібліятэкі.
Прадстаўленыя ў экспазіцыі кнігі можна замовіць праз электронны каталог Нацыянальнай бібліятэкі Беларусі.
Тэлефон для даведак: (8 017) 293 27 10.
Матэрыял пададзены аддзелам міжбібліятэчнага абанемента і дастаўкі дакументаў.
