ГалоўнаяНавіныКніжныя выстаўкі
Халакост: навечна ў памяці людской
Творчыя заняткі “Анёлак”

Напрадвесні беларускай навукі

Напрадвесні беларускай навукі
Іншыя навіны

З 11 студзеня па 28 лютага ў зале беларускай літаратуры (пам. 205) праходзіць выстаўка “Напрадвесні беларускай навукі”, прымеркаваная да 100-годдзя з дня заснавання Інстытута беларускай культуры (Інбелкульта), першай у гісторыі Беларусі шматгаліновай навукова-даследчай установы, папярэдніка НАН Беларусі.

Інстытут беларускай культуры быў заснаваны 30 студзеня 1922 года па ініцыятыве наркома асветы БССР Усевалада Ігнатоўскага, які і стаў першым прэзідэнтам гэтай установы. Інбелкульт замяніў сабой Навукова-тэрміналагічную камісію, якая займалася распрацоўкай беларускай навуковай тэрміналогіі. Акрамя гэтага, у склад Інбелкульта ўваходзілі беларуская, яўрэская, польская, літоўская, латышская і іншыя секцыі. Іх дзейнасць была накіравана на вывучэнне этнаграфіі, фальклору, гісторыі і культуры адпаведных народаў. Секцыі дапамагалі ў адкрыцці нацыянальных школ, тэатраў, ладзілі юбілеі выбітных прадстаўнікоў розных нацыянальнасцей.

Пры Інбелкульце працавала і бібліяграфічная камісія, якую ўзначаліў першы дырэктар Беларускай дзяржаўнай і ўніверсітэцкай бібліятэкі (затым – Дзяржаўнай бібліятэкі БССР імя У.І. Леніна, цяпер – Нацыянальнай бібліятэкі Беларусі) І.Б. Сіманоўскі, сакратаром камісіі была будучая загадчыца аддзела беларускай літаратуры і бібліяграфіі Ю.І. Бібіла.

У свой час членамі Інстытута беларускай культуры былі Я.Ф. Карскі, Я.Ю. Лёсік, І.Д. Луцэвіч (Янка Купала), К.М. Міцкевіч (Якуб Колас), С.М. Некрашэвіч, З.Ф. Жылуновіч, І.І. Замоцін, В.Ю. Ластоўскі, У.І. Пічэта, А.А. Смоліч і іншыя.

На выстаўцы экспануецца каля 150 выданняў, асноўную частку з якіх складаюць выданні Інбелкульта. Сярод прадстаўленых кніг – “Беларуская навуковая тэрміналогія”, “Беларускі архіў”, “Апісанне Горацкага раёну”, “Чатырохсотлецце беларускага друку”, “Віцебскі краёвы слоўнік” М.І. Каспяровіча, “Говоры восточных уездов Гомельской губернии в их современном состоянии” П.А. Растаргуева, “Беларуская архітэктура ў ХІ–ХІІ ст.” М.М. Шчакаціхіна і шмат іншых.

1-Inbelkul't.jpg

Экспазіцыя аздоблена фотаздымкамі і дапоўнена сучаснымі выданнямі аб навуковай дзейнасці Інбелкульта.

Прадстаўленыя ў экспазіцыі кнігі можна заказаць праз электронны каталог Нацыянальнай бібліятэкі Беларусі.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 16.

Матэрыял пададзены аддзелам абслугоўвання спецыялізаванымі фондамі.

Навіны

Знаёмства з Банкам звестак аб гісторыка-культурнай спадчыне Рэспублікі Беларусь

25 Май 2022

23 мая на базе Інстытута павышэння кваліфікацыі і перападрыхтоўкі кадраў Беларускага дзяржаўнага ўніверсітэта культуры і мастацтваў у рамках курса “Актуальныя пытанні аховы матэрыяльнай гісторыка-культурнай спадчыны” прайшла лекцыя пра Банк звестак аб гісторыка-культурнай спадчыне.

Навіны Нацыянальнай бібліятэкі Беларусі

Фотавыстава “Беларусь: цудоўныя імгненні” адкрылася ў Даўгаўпілсе

24 Май 2022

21 мая да 100-годдзя Нацыянальнай бібліятэкі Беларусі ў Цэнтры беларускай культуры ў Даўгаўпілсе адбылося адкрыццё фотавыставы “Беларусь: цудоўныя імгненні”, падрыхтаванай бібліятэкай сумесна з тэлеканалам “Беларусь 24”.

Навіны Нацыянальнай бібліятэкі Беларусі

Да 125-годдзя з дня нараджэння вядомага беларускага бібліёграфа Юліі Іосіфаўны Бібіла

25 Май 2022

26 мая а 15-й гадзіне адбудзецца мерапрыемства, прымеркаванае да 100-годдзя Нацыянальнай бібліятэкі Беларусі і юбілею з дня нараджэння аднаго з найбольш яркіх яе прадстаўнікоў Ю.І. Бібіла (1897–1974).

Да 100-годдзя Нацыянальнай бібліятэкі Беларусі

Асоба і спадчына Язэпа Пушчы: сучаснае прачытанне

23 Май 2022

20 мая ў Нацыянальнай бібліятэцы Беларусі адбыўся круглы стол “Адысея Язэпа Пушчы”, прымеркаваны да 120-годдзя з дня нараджэння беларускага пісьменніка, сябра літаратурнага аб’яднання “Маладняк”.

Да 100-годдзя літаб'яднання "Маладняк"

“Цікава пачытаць”: кніга “Эвристические сказки. Обучение через открытие. Приключения Лисёнка и его друзей”

23 Май 2022

21 мая ў дзіцячым пакоі прайшлі заняткі “Цікава пачытаць” па кнізе Андрэя Караля і Кацярыны Вараб’ёвай “Эвристические сказки. Обучение через открытие. Приключения Лисёнка и его друзей”.

Навіны Нацыянальнай бібліятэкі Беларусі

Размова з адвакатам аб адказнасці за дзеянні ў сацыяльных сетках

20 Май 2022

19 мая Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавала і праведзена штомесячная тэматычная сустрэча з адвакатам “Адказнасць за дзеянні ў сацыяльных сетках (каментарыі, лайкі, рэпосты)”.

Навіны Нацыянальнай бібліятэкі Беларусі

Яе называлі беларускім Траццяковым

22 Май 2022

22 мая спаўняецца 115 гадоў з дня нараджэння Алены Васільеўны Аладавай (1907–1986), заслужанага дзеяча мастацтваў БССР, даследчыка, збіральніка, захавальніка і прапагандыста высокіх духоўных каштоўнасцей, якая трэць стагоддзя ўзначальвала галоўны мастацкі музей нашай краіны.

Па старонках беларускага календара

Бібліятэкарам