Нацыянальная бібліятэка Беларусі прапануе наведвальнікам азнаёміцца з тэматычнай кніжнай выстаўкай “Нацыянальныя скарбы”, прымеркаванай да Года культуры.
Традыцыйна ў нашай краіне кожны новы год аб’яўляецца годам кірунку, якому дзяржавай і грамадствам надаецца пільная ўвага. Так, Указам Прэзідэнта Рэспублікі Беларусь 2016 год абвешчаны Годам культуры. Значная ўвага сёлета надаецца мерапрыемствам у сферы мастацкай культуры, якая з’яўляецца адным з асноўных сродкаў выхавання ў моладзі патрыятызму і павагі да Радзімы.
У экспазіцыі “Нацыянальныя скарбы” прадстаўлена каля 200 дакументаў, сярод якіх альбомы, энцыклапедычныя выданні, даведнікі, манаграфіі, кнігі ўспамінаў, што расказваюць пра беларускіх акцёраў, рэжысёраў, спевакоў, музыкантаў, мастакоў. Чытачы атрымаюць магчымасць даведацца пра помнікі архітэктуры, беларускія тэатры, асаблівасці развіцця нацыянальнага музычнага мастацтва, характэрныя рысы жывапісу, дасягненні ў скульптуры, асаблівасці кінематаграфічнай справы.
Экспазіцыя змяшчае наступныя раздзелы:
- Рупліўцы беларускай культуры.
- Фальклор і народная творчасць.
- Тэатральнае і кінамастацтва.
- Выяўленчае мастацтва.
- Музычная культура Беларусі.
- Музейная справа.
- Бібліятэкі і бібліятэчная справа ў Беларусі.
Выстаўка размешчана на 3-м паверсе кальцавога калідора і будзе доўжыцца да 31 снежня 2016 года.
Кантактны тэлефон: (8 017) 293 28 86.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
